ފާއިތުވި 24 ގަޑި އިރު، ރާއްޖެއިން 143 މީހުން ކޮވިޑަށް ޕޮޒިޓިވް ވެއްޖެ އެވެ.
އެޗްޕީއޭ އިން ކޮށްފައިވާ ޓްވީޓަށް ބަލާ އިރު، މީގެ ތެރޭގައި ހިމެނެނީ މާލެއިން 26 މީހުންނާއި އަތޮޅުތަކުން 104 މީހުން ނެވެ. އަދި އޮޕަރޭޝަނަލް ރިސޯޓުތަކުން 8 މީހުންނާއި ތަރައްގީވަމުން އަންނަ ރަށްތަކުން 5 މީހުން ނެވެ.
މިއާއެކު ރާއްޖެއިން ކޮވިޑު ޖެހުނު މީހުންގެ ޢަދަދު މިވަނީ 74،074 އަށް އަރާފަ އެވެ. އަދި މި ބަލިން ރަނގަޅުވި މީހުންގެ ޢަދަދު 70،490 އަށް ވަނީ އަރާފަ އެވެ.
ހޮސްޕިޓަލުގައި އެޑްމިޓްކޮށްގެން 23 މީހަކަށް ފަރުވާ ދެމުން އަންނަ އިރު، ރާއްޖެއިން މިހައިތަނަށް 213 މީހުން ވަނީ މަރުވެފަ އެވެ.
ފާއިތުވި 24 ގަޑި އިރު، ރާއްޖެއިން ނަގާފައިވަނީ 3359 ސާމްޕަލެވެ.
