މާދަމާ އިން ފެށިގެން ވެކްސިން ޖެހުން މެދުކަނޑާލަން ނިންމައިފި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ވެކްސިން މެދުކަނޑާލަނީ ކުރިއަށް އޮތީ އީދު ބަންދުގެ ދުވަސްތައް ކަމަށްވާތީ ކަމަށެވެ. އަދި އަލުން ވެކްސިން ޖަހަން ފަށާނެ ތާރީޚެއް ފަހުން އިއުލާން ކުރާނެ ކަމަށެވެ.
އަލުން ވެކްސިން ޖަހަން ފަށާނެ ތާރީޚެއް ސަރުކާރު ހުޅުވެން ގާތްވީމާ އިޢުލާން ކުރައްވާނެ ކަމަށާއި އޭރުން ވެސް ވެކްސިން ޖެހުމުގެ ކަންކަން ކުރިއަށް ދާނީ އެޕޮއިންޓްމެންޓު އުސޫލުން ކަމަށް ވެސް އެޗްއީއޯސީ އިން ބުންޏެވެ.
ކޮވިޑު ވެކްސިން ރާއްޖޭގައި ޖަހަންޖެހޭ ރާއްޖޭގެ އާބާދީގެ 50 އިންސައްތައަށްވުރެ ގިނަ މީހުން މިހާރު ވެކްސިންގެ ދެ ޑޯޒް ހަމަކޮށްފައިވާކަަން އެޗްއީއޯސީގެ ސްޕޯކްސް ޕަރސަން ޑރ. ނަޒްލާ ރަފީގު ވަނީ ފާހަގަ ކުރައްވާފަ އެވެ.
