ތާލިބާނުން އަފްޣާނިސްތާންގައި 1996ން 2001އަށް ވެރިކަން ކުރިއެވެ. މިޖަމާއަތަށް މިފަހުން ބަދަލުތަކެއް އައިސްފައި ވެއެވެ. ހަރުކަށި ތާލިބާންގެ އެންމެ ބޮޑެތި ލީޑަރުންގެ ތެރޭގައި ހިމެނެނީ،
މުއްލާ ހައިބަތުﷲ އަޚުންދާއަކީ، 2016ގައި ތާލިބާންގެ ލީޑަރަކަށް އައްޔަނު ކުރެވުނު މީހެކެވެ. އޭނާގެ ކުރިން އެ މަގާމުގައި ހުރި އަޚުތަރު މުޙައްމަދު މަންސޫރު މަރުވީ އެމެރިކާގެ ޑްރޯން ހަމަލާއެއްގައެވެ. އަޚުންދާއަކީ، ހަނގުރާމައިގެ ކަންތައްތަކަށް ވުރެން ބޮޑަށް ދީނީ ކަންކަމާއި ނިޔާކަނޑައެޅުމުގައި އުޅުނު ތާލިބާން މީހެކެވެ. ތާލިބާންގެ އަދުލު އިންސާފުގެ އިސްމީހަކަށް އޭނާ ހުއްޓެވެ. އޭނާއަކީ އެހެންވެ، ތާލިބާން ގްރޫޕުގައި އިހުތިރާމް ލިބިފައިވާ މީހެކެވެ. ނަމަވެސް އޭނާގެ ދައުރަކީ ރަމްޒީ ދައުރެކެވެ.
އަޚުންޒާދާއަކީ ޕުޝްތޫ ދަރިކޮޅުގެ މީހެކެވެ. އޭނާއަކީ ކަންދަހާރުގެ އުފަން މީހެކެވެ. އޭނާ ތާލިބާންގެ ލީޑަރަކަށް ވުމުން އައިމަން ޒަވާހިރީ އޭނާއަށް ބައިއަތު ހިފިކަމަށް ވެއެވެ.
ތާލިބާން ބައިބައިވެފައި އޮތްވައި އެއްބައިވަންތަ ކޮށްފައި ވަނީ އަޚުންދުޒާދާއެވެ.
އަޚުންޒާދާގެ ކުރިން ހުރި މުއްލާ މަންސޫރުއާއި އަދި އޭނާގެ ކުރިން ހުރި އެއްލޯ މުއްލާ މުހައްމަދު އުމަރުގެ މަރަށްފަހު މި ގުރޫޕުގެ ތެރޭގައި ފިތުނަވެރިކަން ބޮޑުވެގެން ދިޔައެވެ.
މުއްލާ އަބްދުލްޣަނީ ބިރާދަރު އަކީ ގަންދަހާރުގައި ބޮޑުވި މީހެކެވެ. އޭނާއަކީ މުއްލާ އުމަރާއެކު ތާލިބާން އުފެއްދި އެކަކެކެވެ. އޭނާ މުއްލާ އުމަރާއެކު ހަނގުރާމައިގައި ބައިވެރިވިއެވެ.
2001ގައި އެމެރިކާ ސިފައިން ކާބުލް ހިފުމާއެކު ކާބުލްގައި ވެރިކަން ކުރަން ބޭތިއްބި އެމެރިކާ ސިފައިންނާ މަޝްވަރާ ކުރި މަދު މީހުންގެ ތެރޭގައި މުއްލާ ބިރާދަރު ހިމެނެއެވެ. އެކަމަކު މަޗްވަރާތައް ކާމިޔާބު ނުވުމުން ބިރާދަރު ފަރުބަދަތަކަށް ހަނގުރާމައަށް ދިޔައީއެވެ.
2010ގައި ކަރާޗީގައި ބިރާދަރު ހައްޔަރުކޮށް ޖަލަށް ލުމުން އޭނާ މިނިވަންވީ އެމެރިކާއިން މަސައްކަތް ކޮށްގެން 2018ގައެވެ.
މުއްލާ ބިރާދަރަކީ ދޯޙާގައި ހުންނަ ތާލިބާންގެ ސިޔާސީ އޮފީހުގެ ވެރިޔާއެވެ. އެމެރިކާ ސިފައިން ފައިބައިގެން ދިއުމަށް މަޝްވަރާތަކުގައި އިސްކޮށް އުޅުނީވެސް މުއްލާ ބިރާދަރްއެވެ.
ސިރާޖުއްދީން ހައްޤާނީއަކީ ބިރުވެރި މީހެކެވެ. ޓެރަރިސްޓް ގުންޑާއެކެވެ. އޭނާއަކީ ރޫސީ ސިފައިންނާ ދެކޮޅަށް ހަނގުރާމަ ކުރި މަޝްހުރު ޖަލާލުއްދީން ހައްގާނީގެ ދަރިއެވެ. ތާލިބާން ގްރޫޕުގައި މި ހައްގާނީ އަކީ ދެވަނަ މީހާއެވެ.
ހައްގާނީއަކީ ނިރުބަވެރި އަމަލުތަކުގައި މޫލާފައިވާ މީހެކެވެ. އެމެރިކާއިން އޭނާއާއި އޭނާގެ ޓެރަރިސްޓް ޖަމާއަތްކަމަށްވާ ހައްގާނީ ނެޓްވަރކްއާ ދެކޮޅަށް ދަތިކުރުމުގެ ފިޔަވަޅު އަޅާފައި ވެއެވެ. މިއީ ޖާނު ގޮއްވާލުމުގެ ޓެރަރިސްޓް އަމަލުތައް ހިންގުމުގައި އިސްކޮށް ހަރަކާތްތެރިވާ ހައްގާނީ ނެޓްވަރކެވެ. މުޅި ދެކުނު އޭޝިއާގައި މި ނިރުބަވެރި ޖަމާއަތް އުޅެއެވެ.
ހައްގާނީ ނެޓްވަރކުން އެންމެފަހުން ވަގަށް ނެގި އެމެރިކާ މީހަކީ ބޯ ބެގްޑާލް އެވެ. ބެގްޑާލް މިނިވަން ކޮށްފައި ވަނީ ގުއަންޓަނާމޯ ބޭގައި ބަންދުކޮށްފައި ތިބި އަފްޣާން ފަސް ނިރުބަވެރިން މިނިވަން ކުރުމުގެ ބަދަލުގައި 2014ގައެވެ.
މުއްލާ ޔައުގޫބު މިއީ ތާލިބާން އަސްކަރީ ގޮފީގެ ބޮޑު މީހާއެވެ. އޭނާއަކީ މުއްލާ އުމަރުގެ ދަރިއެކެވެ. އޭނާގެ ދަރަޖައަކީ އަމަލީ މަގާމަކަށް ވުރެން ބޮޑަށް ޝަރަފުވެރި މަގާމެއްކަމަށްވެސް ބުނެވެއެވެ.
