އިންޑިއާއަކީ، ތިމާވެށްޓާ ރައްޓެހި ހަކަތަ ބޭނުން ކުރުމުގައި ޚާއްސަ ސަމާލުކަމެއް ދޭ ގައުމެއްކަމަށް އިންޑިއާގެ ބޮޑު ވަޒީރު ވިދާޅުވެއެވެ. މިނިވަން 75 ގައި ވާހަކަ ދައްކަވަމުން މޮދީ ވިދާޅުވީ އިންޑިއާގެ އަމާޒަކީ ކާބަން އުފައްދާ މިންވަރު މަދުކުރުމެވެ. އަދި އިންޑިއާގެ ރޭލްވޭ އެއްކޮށް ކަރަންޓަށް ބަދަލުކުރުމުގެ އަމާޒު ދާދިއަވަހަށް ހާސިލުވާނެ ކަމުގައި އޭނާ ވިދާޅުވިއެވެ.
މީގެ އިތުރުން ގެންގުޅޭ ބާ އުޅަނދު ނައްތާލުގެ ސްކީމްގައި ބައިވެރިވެގެން ހޯދާ ސެޓިފިކެޓް ބޭނުންކޮށްގެން އައު އުޅަނދެއް ގަތުމުގައި ބޮޑެތި ފަސޭހަތައް ލިބިގެންދާނެ ކަމުގައި މޮދީ ވިދާޅުވިއެވެ.
އިންޑިއާއަކީ، މޮދީ ވިދާޅުވާ ގޮތުން ޖީ 20ގެ ޖަމުއިއްޔާގެ ގައުމުތަކުގެ ތެރޭން މޫސުމަށް އަންނަ ބަދަލު ކުޑަ ކުރުމަށް އެންމެ ބޮޑަށް މަސައްކަތް ކުރާ ގައުމެވެ. އޭނާ ވިދާޅުވީ އަމާޒަކީ މިނިވަން 100 ފާހަގަ ކުރުމުގެ ކުރިން އިންޑިއާއަކީ ހަކަތަ އުފެއްދުމުގައި އަމިއްލަ އަށް ބަރޯސާވާ ގައުމަކަށް ހެދުމަށެވެ.
