އިންޑިއާގެ ރަށްފުށުގައި މީހުން މުދާ ކޮންސިއުމް ކުރާ މިންވަރު އިތުރުވާން ފަށައިފިއެވެ. ޖުލައި މަހުގެ ހިސާބުތަކުން ދައްކާ ގޮތުން ގޭގެއަށް ކޮންމެ ދުވަހަކު ބޭނުންވާ ކޮންސިއުމާ ގުޑުސްގެ އައިޓަމްތައް އިންޑިއާގެ ރަށްފުށުގައި ގަންނަ ނިސްބަތް ސިޓީތަކަށްވުރެން އިތުރު ވެފައިވާ ކަމަށެވެ.
މިދިޔަ މަހު ރަށްފުށުގައި ވިޔަފާރި އުޅުނީ 24 އިންސައްތައިގައެވެ. އަދި ސިޓީތަކުގައި ކޮންސިއުމާ ގުޑުސްގެ ވިޔަފާރި އުޅުނީ 14 އިންސައްތައިގައެވެ. މި ތަފާސްހިސާބު އެއްކޮށްފައި ވަނީ އިންޑިއާގެ އެތައް ދިމާއަކުން 7.5 މިލިއަން ފިހާރައިގެ ރެކޯޑްތައް ދިރާސާ ކުރުމަށްފަހުއެވެ.
އީކޮމާސްގެ ވަސީލަތްތައް އިންޑިއާގައި ފެތުރި ފުޅާވެފައިވުމާ ގުޅިގެން މީހުން ވިޔަފާރިކޮށް އުޅޭ ނިސްބަތް ވަނީ އިތުރު ވެފައެވެ. އަދި ވަކިން ޚާއްސަކޮށް ފިހާރަތަކަށް ގޮސްގެން ވިޔަފާރި ކުރުމަށްވުރެން ބޮޑަށް އޮންލައިންކޮށް ވިޔަފާރި ކުރުމަށް ހިތްވަރު ދީފައިވާތީ އިންޑިއާގައި މުދާ ކޮންސިއުމް ކުރާ މިންވަރު އިތުރު ވެގެންދިޔައީ އެވެ.
