ތާލިބާނުން އެކުލަވާލާ ސަރުކާރެއްގައި އިސްކޮށް ތިބޭނީ މުއްލާއިން ކަމަށް ތަރުޖަމާން ޒަބީހުﷲ މުޖާހިދު ބުނެފިއެވެ. އޭނާ ބުނިގޮތުގައި ތާލިބާންގެ 20 އަހަރުގެ ހަނގުރާމައަކީ ބޭކާރު ހަނގުރާމައެއް ނޫނެވެ.
ތާލިބާނުން ވަނީ ދަންނަބޭކަލުންގެ އިސް ބަޔަކާ ބައްދަލުކޮށް ވެރިކަން ހިންގުމަށް ބޭނުންވާ ގޮތް އެފަރާތްތަކާ ޙިއްސާކޮށް ފައެވެ. ތާލިބާނުން ބުނާ ގޮތުން އެމީހުން ބޭނުން ވަނީ ގިނަ ފަރާތްތައް ހިމެނޭ ހިމޭންކަން ގެންނާނެ ފަދަ ސަރުކާރެއް ކާބުލްގައި އެކުލަވާލާށެވެ.
ސަރުކާރު މުވައްޒަފުންވެސް ވަޒީފާއަށް ނިކުންނަންވީ ކަމަށް މުޖާހިދު ބުންޏެވެ. އޭނާ ބުނިގޮތުގައި ތާލިބާނުން ވަނީ އެންމެނަށް އަފޫއާންމެއް ދީފައެވެ. މުޖާހިދު ވަނީ އަފްޣާނިސްތާނުން ބޭރުވެގެން ދާން އުޅޭ މީހުން އެނބުރި އައުމަށްވެސް ގޮވާލާފައެވެ.
ތާލިބާނުން އަފްޣާނިސްތާންގެ ވެރިރަށް ކާބުލްއިން ކަންދަހާރަށް ބަދަލުކުރަން އުޅޭކަމަށްވެސް ވާހަކަ ފެތރެއެވެ. ތާލިބާނުން ވަނީ މިއީ ސަރާސަރު ހޮޅި ވާހަކައެއް ކަމަށް ބުނެފައެވެ.
