ތާލިބާނުން އަފްޣާނިސްތާން ހިފި ފަހުން ޕާކިސްތާނާއި އަފްޣާނިސްތާނާ ދެމެދު ކުރާ ވިޔަފާރި 50 އިންސައްތައަށް އިތުރު ވެގެން ހިނގައްޖެއެވެ. ތާލިބާނުން ޗަމަން ބޯޑަރު ހިފިތަނާ އެމީހުން އެސަރަހައްދު ބަންދުކޮށްލިއެވެ. ނަމަވެސް ކާބުލްއަށް ވަދެ އަފްޣާން ސަރުކާރު ވައްޓާލުމުން ތާލިބާނުން ވަނީ ބޯޑަރު ހުޅުވާފައެވެ. މިހާރު ގިނަ އަދަދަކަށް މުދާ ޕާކިސްތާނުން އަފްޣާނިސްތާނަށް ލޮރީތަކުގައި އެތެރެ ކުރެއެވެ.
އެމެރިކާއާއި އައިއެމްއެފްއިން ވަނީ އަފްޣާނިސްތާނުގެ ސަރުކާރުގެ ފައިސާ ތާލިބާނުންގެ އަތު ޖެހިޔަ ނުދިނުމަށްޓަކައި ގަނޑުކޮށްފައެވެ.
އަފްޣާނިސްތންގެ ވިޔަފާރިވެރިންވެސް ވަނީ ތާލިބާނާ ބައްދަލުކޮށް އެމީޙުންގެ ދަތިތައް ޙިއްސާ ކޮށްފައެވެ. ތާލިބާންގެ މަސްއޫލުވެރިން ބުނާ ގޮތުން ވިޔަފާރިވެރިންގެ ދަތިތައް ހައްލު ކުރުމަށް ދަނީ މަސައްކަތް ކުރަމުންނެވެ.
އަފްޣާނިސްތާންގެ ބައެއް އަސާސީ ސާމާނުތައް ހުސްވެފައި ވާތީ އީރާނުން ވަނީ ތެލާއި ގޭސް އަދި ބައެއް ޒަރޫރީ ތަކެތި ބޭރުކުރުމަށް ހުއްދަ ދީފައެވެ.
