ތާލިބާންގެ ސަރުކާރު ގަބޫލުކުރުމަށް، ޕާކިސްތާންގެ ޖަމާއަތޭ އިސްލާމީގެ އަމީރު ސިރާޖުލް ހައްޤު، ޕާކިސްތާން ސަރުކާރަށް ގޮވާލައްވައިފިއެވެ. އޭނާ ވިދާޅުވިގޮތުގައި ތާލިބާނުން އަފްޣާނިސްތާންގެ ވެރިކަމަށް އައުމުން، ދެ ގައުމުގެ ގުޅުންވެސް ކުރިއަށް އޮތް ދުވަސްތަކުގައި ހަރުދަނާ ވެގެންދާނެއެވެ.
ޑޯން ނޫހާ ވާހަކަ ދައްކަވަމުން އޭނާ ވިދާޅުވީ، މުސްލިމު ގައުމުތަކުންވެސް ތާލިބާންގެ ސަރުކާރު ބަލައިގަންނަން ވާނެއެވެ. އަދި ތާލިބާނަކީ އޭނާ ދެކެވަޑައިގަންނަވާ ގޮތުގައި އަފްޣާނިސްތާނަށް ތިޔާގިކަމާއި ތަރައްގީ ގެންނާނެ ބަޔެކެވެ.
އަބުލް އައުލާ މައުދޫދީ، އުފެއްދެވި ޖަމާއަތޭ އިސްލާމީގެ އަމީރު ސިޔާސީ ޕާޓީތަކާ ވާހަކަ ދައްކަވަމުންވެސް ވިދާޅުވެފައި ވަނީ ތާލިބާނަށް އަފްޣާނިސްތާންގައި ލިބުނު ކާމިޔާބީއަކީ، ޓެކްނޮލޮޖީއާއި ބާރުގެ މައްޗަށް ދީނާއި އަގީދާއިން ހޯދި ކުރި ހޯދުމެއް ކަމަށެވެ.
ތާލިބާނުން ކާބުލްއަށް ވަނީ އޮގަސްޓް15 ގައެވެ. ދުނިޔޭގެ ވެރިރަށްތަކުގައި ތާލިބާނާ ދެކޮޅަށް މުޒާހަރާ ކުރަމުން ދެއެވެ.
