ހިނގަމުން މިދާ މާލީ އަހަރު އިންޑިއާއިން 400 ބިލިއަން ޑޮލަރުގެ މުދާ އެކްސްޕޯޓް ކުރުމަށް މަގުޗާޓެއް އެކުލަވާލައި ފިއެވެ. އުފެއްދުންތެރިކަމަށް ހިތްވަރު ދިނުމުގެ ގޮތުން އިންޑިއާއިން ވަނީ އިލެކްޓްރޯނިކްސްއާއި ބޭސް އުފެއްދުމާއި ސޯލާ ޕެނަލް އުފެއްދުމާއި ޚާއްސަ ބާވަތުގެ ދަނގަނޑާއި އުޅަނދުފަހަރާއި ބޭސް ފަރުވާގެ މެޝިނަރީ އުފެއްދުމުގެ ދާއިރާތައް ހިމެނޭ ގޮތަށް 13 ދާއިރާއަކުން 26 ބިލިއަން ޑޮލަރުގެ ހިތްވަރު ދިނުމުގެ ސްކީމެއް ތައާރަފް ކޮށްފައެވެ.
އިންޑިއާއިން އަމާޒު ހިފާފައި ވަނީ އާސިއާންގެ ގައުމުތަކަށް 46 ބިލިއަން ޑޮލަރުގެ މުދާ މި މާލީ އަހަރުގައި އެކްސްޕޯޓް ކުރާށެވެ.
އިންޑިއާ އާސިއަން އިންޖިނިއަރިންގ ޕާޓްނާޝިޕް ސަމިޓްގެ ބައްދަލުވުންތައް ވަނީ މިއަދު ފަށާފައެވެ. މިއީ އިންޑިއާގެ އެކްސްޓާނަލް އެފެއާޒް މިނިސްޓްރީއާއި ކޮމާސް މިނިސްޓްރީ ގުޅިގެން އިންތިޒާމު ކުރާ ހަތަރު ދުވަހުގެ ސަމިޓެކެވެ.
