ރާއްޖޭގައި ފުރަތަމަ ފަހަރަށް ބަންޑާރަނައިބުގެ އޮފީހުގެ ފަރާތުން ޤާނޫނެއްގެ އޯޑިއޯ އާންމުކޮށްފިއެވެ.
އޭޖީ އޮފީހުން މިއަދު ބުނީ މި މަސައްކަތަކީ މީހުން ގާނޫނުތަކަށް އަހުލިވެރިކުރުމުގެ ގޮތުން އެ އޮފީހާއި ޔޫއެންޑީޕީ ގުޅިގެން ކުރިއަށް ގެންދާ މަސައްކަތެއް ކަމަށެވެ.
އެގޮތުން ނުކުޅެދުންތެރިކަން ހުންނަ މީހުންގެ ހައްގުތައް ރައްކާތެރިކުރުމާއި މާލީ އެހީތެރިކަން ފޯރުކޮށްދިނުމުގެ ގާނޫނާއި، އެ ގާނޫނުގެ ދަށުން އެކުލަވާލެވިފައިވާ ނުކުޅެދުންތެރިކަން ހުންނަ މީހުންގެ ހައްގުތައް ރައްކާތެރިކުރުމާއި މާލީ އެހީތެރިކަން ފޯރުކޮށްދިނުމުގެ ގަވާއިދުގެ އޯޑިއޯ ރެކޯޑިންތައް މިހާރު ވަނީ އާންމުކޮށްފަ އެވެ.
އޭޖީ އޮފީހުގެ ވެބްސައިޓް އަދި އެމްވީލޯ ވެބްސައިޓުގައި ވަނީ މި ރިކޯޑިންތައް މިހާރު ވަނީ އާންމުކޮށްފަ އެވެ.
އޭޖީ އޮފީހުން ބުނިގޮތުގައި މި މަސައްކަތަކީ އެ އޮފީހުގެ ގާނޫނުތަކާއި ގަވާއިދުތައް ޝާއިއުކުރާ ވެބްސައިޓަށް ނުކުޅެދުންތެރިކަން ހުންނަ މީހުންނަށް ފަސޭހައިން ވާސިލްވުމަށް ކުރާ މަސައްކަތެއް ކަމަށެވެ. މީގެ ސަބަބުން ނުކުޅެދުންތެރިކަން ހުންނަ މީހުން ގާނޫނުތަކަށް އަހުލުވެރިވާނެ ކަމަށް ވެސް ބުންޏެވެ.
