ހޮންގކޮންގގައި ޚިޔާޅުފާޅުކުރުމުގެ މިނިވަންކަން އިތުރަށް ހަނިކުރުމުގެ ގޮތުން އެ ސަރަހައްދުގައި އުފައްދާ ފިލްމުތައް ސެންސަރު ކުރުމަށް އައު ގަވާއިދެއް ހަދައިފިއެވެ. ގައުމީ ސަލާމަތާއި ގައުމީ އެއްބައިވަންތަކަމަށް ނުރައްކާ ކުރާ ޒާތުގެ ޚިޔާލާއި މަންޒަރާއި ވާހަކަތައް ހިމެނޭ ފިލްމުތަކުގެ ލައިސަންސް ބާތިލުކުރުމުގެ ބާރު މި ގަވާއިދުގެ ދަށުން މަސްއޫލު ފަރާތްތަކަށް ދެއެވެ.
ޗައިނާއިން ހޮންގކޮންގގެ ޒާތީ މިނިވަންކަން ކޮންޓްރޯލް ކުރުމަށް ގާނޫނު ފާސްކުރީ މިދިޔަ އަހަރުގެ ޖޫން މަހުގެ ތެރޭގައެވެ.
އަލަށް ފާސްކޮށްފައިވާ ގަވާއިދުގެ ދަށުން ގައުމީ ސަލާމަތަށް ނުރައްކާ ކުރުމަށް ހިތްވަރު ދޭ ނުވަތަ އެފަދަ އަމަލެއް ރަނގަޅު ސިފައެއްގައި ދެކުމަށް މަސައްކަތް ކުރާ ކޮންމެ ފިލްމެއްގެ ލައިސަންސް ބާޠިލު ކުރުމުގެ އިތުރުން އެ ފިލްމު އުފެއްދި ފަރާތް ތިން އަހަރަށް ޖަލަށް ލެވބޭނެއެވެ. ނުވަތަ ހޮންގކޮންގގެ އެއް މިލިއަން ޑޮލަރު (128400 އެމެރިކާ ޑޮލަރު)ން ޖުރިމާނާ ކުރެވޭނެއެވެ.
ޗައިނާގެ ބާރުގެ ދަށަށް 1997ގައި ހޮންގކޮންގ ދިޔައިރު، ޗައިނާއިން ވަނީ އެއް ޗައިނާ ދެ ސިޔާސަތުގެ ނިޒާމަށް އަމަލުކުރުމާއެކު ހޮންގކޮންގގެ މިނިވަންކަމާއި ޚާއްސަ ހައިސިއްޔަތު ދަމަހައްޓާނެ ކަމަށް އެއްބަސްވެފައެވެ. ޗައިނާއިން ވަނީ މިއެއްބަސްވުމާ ޚިލާފުވެފައެވެ.
