އިސާގެފާނުގެ ފޮޓޯތަކާއި ބުދުތައް ނަގައި، ޗައިނާގެ ރައީސް ޝީ ޖިންގޕިންގެ ފޮޓޯތަކާއި ބުދުތައް ބެހެއްޓުމަށް ޗައިނާ މަސްއޫލުވެރިން ކްރިސްޓިއަނުންނަށް އަންގައިފިއެވެ. ސައުތު ޗައިނާ މޯނިންގ ޕޯސްޓުން ބުނިގޮތުގައި ކޮމިއުނިސްޓް ޕާޓީގެ މަސްއޫލުވެރިން ވަނީ މީހުންގެ ގޭގެއަށް ގޮސް، ފަގީރުކަމުން ސަލާމަތް ވާން ބޭނުންވާނަމަ، ޖީސަސްގެ ފޮޓޯގެ ބަދަލުގައި ރައީސް ޝީގެ ފޮޓޯތައް ބެހެއްޓުމަށް އަންގާފައެވެ.
ކޮމިއުނިސްޓް ޕާޓީގެ މަސްއޫލުވެރިން ބުޏާ ގޮތުން ރަށްފުށުގެ ހިސާބުގައި އެމީހުން މަސައްކަތް ކުރަމުންދަނީ، މީހުންގެ ވަފާތެރިކަން ދީނަށް އޮތުމުގެ ބަދަލުގައި ޕާޓީއަށް ވަފާތެރިން އުފެއްދުމުގެ މަސައްކަތެވެ.
ޗައިނާގެ ޝިއާންގޝީ ޕްރޮވިންސްގެ ޔޫގާން ކައުންޓީއަކީ އެތާގެ އާބާދީގެ 10 މީހުން ކްރިސްޓިއަން ދީން ގަބޫލުކުރާ ސަހަރެކެވެ. މިތާގައި ފަގީރުން ނިސްބަތް ގިނައެވެ.
މަސްއޫލުވެރިން ބާރުއެޅުމުގެ ސަބަބުން މީހުން ވަނީ ޖީސަސްގެ ފޮޓޯ ނަގައި އޭގެ ބަދަލުގައި ކޮމިއުނިސްޓް ޕާޓީން ދިން ޗައިނާގެ ބާރުގަދަ ވެރިމީހާގެ ފޮޓޯތައް ބަހައްޓާފައެވެ.
މިމީހުންނަށް މަސްއޫލުވެރިން އަންގާފައި ވަނީ ޗައިނާގެ ރަައީސްގެ ފޮޓޯ ނުބަހައްޓަނީނަމަ، ސަރުކާރުން ދޭ އެހީތައް ނުލިބޭނެ ކަމަށެވެ.
