އައްޑު ސިޓީން ކޮވިޑު ޖެހުނު އިތުރު މީހަކު ނިޔާވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ މިއަދު އިރުއޮއްސި 6:35 ގައި ނިޔާވީ އައްޑޫ ކޯވިޑް މެނޭޖްމެންޓު ފެސިލިޓީގައި ފަރުވާދެމުން ދިޔަ މީހެއް ކަމަށެވެ. އަދި އެއީ އުމުރުން 87 އަހަރުގެ ދިވެހި ފިރިހެނެއް ކަމަށެވެ.
މި މަރާއެކު ކޮވިޑު ބަލީގައި އައްޑު ސިޓީން ނިޔާވި މީހުންގެ އަދަދު 6އަށް އެރީ އެވެ. އަދި ރާއްޖެއިން މިބަލީގައި ނިޔާވީ އަދަދަކީ 230 އެވެ.
