އެމްޑީޕީގެ ސްޕޯކްސް ޕާސަންގެ މަގާމުގައި ހުންނެވި އިމްތިޔާޒު ފަހުމީ (އިންތި) އެމަގާމުން މިއަދު އިސްތިއުފާ ދެއްވައިފިއެވެ.
އެ މަގާމުން އިސްތިއުފާ ދެއްވީ އެމްޑީޕީގެ ކުރިއަށްއޮތް ޗެއާޕާސަން ކަމުގެ އިންތިޚާބަށް ކުރިމަތިލައްވާފައިވާތިއެވެ. އެމްޑީޕީގެ ސްޕޯކްސް ޕާސަންގެ މަގާމު ފުރުއްވަން އިންތި ފެށްޓެވީ 2012 ވަނަ އަހަރު އެވެ.
އެމްޑީޕީގެ ޗެއާޕާސަންގެ ނާއިބު އަލީ ނިޔާޒަށް އެޑުރެސް ކުރައްވައި އިމްތިޔާޒު ފޮނުއްވާފައިވާ ސިޓީގައި ވިދާޅުވެފައިވަނީ "212 ވަނަ އަހަރު އެމްޑީޕީގެ ވެރިކަން ވައްޓައިލި ބަޣާވާތުން ފެށިގެން މިއަދާ ހަމައަށް އަޅުގަނޑު އަދާކުރަމުންދިޔަ އެމްޑީޕީގެ ސްޕޯކްސް ޕާސަންގެ މަގާމުން މިހިނދުން ފެށިގެން އަޅުގަނޑު އިސްތިއުފާ ދީފީމެވެ."
އެޕާޓީގެ ލީޑަރޝިޕާއި، ސެކްރެޓޭރިއޭޓުގެ މުވައްޒަފުންނާއި މެމްބަރުންނާއެކު މަސައްކަތް ކުރެއްވުމުގެ ފުރުސަތު ލިބިވަޑައިގެންނެވުމަކީ ސިޔާސީ ހަޔާތުގައި ލިބިވަޑައިގެންނެވި ނުހަނު ބޮޑު ތަޖުރިބާއަކާއި ޝަރަފެއް ކަމަށް ވެސް އިންތި ވިދާޅުވެފައިވެއެވެ. އެކަމަށްޓަކައި އިންތި ވަނީ އެ އެންމެހާ ބޭފުޅުންނަށް ޝުކުރު އަދާ ކުރައްވައިފައެވެ.
