ހިޔާާ ސަރަހައްދުގައި ތަރައްގީކުރި ލޯކަލް މާރުކޭޓުގެ ގޮޅިތައް ހަވާލުކޮށްފިއެވެ.
އެޗްޑީސީން ވަގުތީ ގޮތުން ހަދާ މާރުކޭޓުން ދޫކޮށްފައި ވަނީ 19 ގޮޅި އެވެެ. އަދި އެ ގޮޅިތަކަށް ކުރިމަތިލުމަށް ފުރުސަތު ދިނީ ހަމައެކަނި ހިޔާ ފްލެޓް ލިބުނު މީހުންނަށެވެ. އޭގެ ތެރެއިން 558 ފަރާތަކުން ގޮޅިތަކަށް އެދި ކުރިމަތިލި އެވެ.
ގުރުއަތުން ހޮވުނު 19 މީހުންގެ ތެރެއިން 17 މީހަކާއެކު އެއްބަސްވުމުގައި ސޮއިކޮށް ގޮޅި ހަވާޅުކޮށްފައިވާ ކަމަށް އެޗްޑީސީން ވަނީ ބުނެފަ އެވެ.
ހިޔާ ފްލެޓްތަކުގައި މީހުން ދިރިއުޅެން ފަށާފައިވާއިރު އެ ސަރަހައްދުން އަސާސީ ހިދުމަތްތައް ހޯދުމުގައި ދަތިތަކާ އަދިވެސް ކުރިމަތިލާންޖެހެއެވެ. ރޯދަމަހާ ދިމާކޮށް އެސަރަހައްދުގައި ވަގުތީ މާރުކޭޓެއް ހުޅުވުން ވެގެން ދާނީ އެ ސަރަހައްދުގައި ދިރިއުޅޭ ފަރާތްތަކަށް ނުހަނު ބޮޑު ލުއިފަސޭހަ އަކަށެވެ.
