އެމްޑީޕީ ޗެއާޕާސަން އިންތިހާބުގައި ވާދަކުރައްވާ ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ކެމްޕޭނަށް ތ. އަތޮޅަށް ވަޑައިގެންފިއެވެ.
އަންނަ މަހުގެ 14 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީ ޗެއާޕާސަން އިންތިހާބުގެ ފޯރި ގަދަވެފައިވާއިރު، އިންތި އަންނަނީ ކެމްޕޭނަށް ރާއްޖޭގެ އެކި ރަށްތަކަށް ދަތުރުކުރައްވާ ދޮރުން ދޮރަށް ހަރަކާތް ހިންގަވަމުންނެވެ.
ކެމްޕޭނަށް އިންތި މިހާރު ތ. އަތޮޅުގެ ރަށްތަކަށް ދަތުރުކުރައްވާއިރު، އިންތިގެ އަރިހުގައި އެމްޑީޕީ ނައިބު ރައީސް ޝިފާޒް އަދި މަޖިލީހުގެ ބައެއް މެމްބަރުން ބައިވެރިވެވަޑައިގަންނަވައެވެ.
