ކޮވިޑްގައި މީހަކު މަރުވެފައިވާ ކަމަށް ކަނޑައެޅުމުގައި އިންޑިއާއާއި ދުނިޔޭގެ ސއްހަތު ޖަމުއިއްޔާއާ ދެ ބަސްވުމެއް ހިނގަމުން ދެއެވެ. ދުނިޔޭގެ ސިއްހަތު ޖަމުއިއްޔާއިން ބުނާ ގޮތުގައި އިންޑިއާއިން ކޮވިޑް ޖެހިގެން މަރުވެފައިވާ މީހުން އިންޑިއާއިން ބުނާ އަދަދަށްވުރެން އިތުރުކަމަށް ދައްކައެވެ. ޑަބްލިއުއެޗްއޯގެ އަންދާސާއަކީ ގާތްގަނޑަކަށް 14 މިލިއަނަށް ވުރެން ގިނަ މީހުން ވަބާގައި އިންޑިއާއިން މަރުވެފައިވާނެ ކަމަށެވެ. މިއީ ލިން ހުރި ޑޭޓާ އިން މޮޑެލްއެއް ހަދައިގެން ހޯދާފައިވާ އަންދާސާއެކެވެ.
އިންޑިއާއިން ބުނަނީ އިންޑިއާގައި ވެސް 1،5 ބިލިއަން މީހުންގެ ޑޭޓާ ލިބެން އެބަހުރި ކަމަށެވެ. އަދި އިންޑިއާއިން ޑޭޓާ މޮޑެލްއެއް ހަދާކަށް ނުޖެހޭކަމަށެވެ.
އިންޑިއާއިން އާލަމީ ވަބާގައި މީހުން މަރުވުން ގިންތިކޮށްފައި ވަނީ ކޮވިޑްގެ މަރެއްކަމަށް ކަނޑައެޅުމަށް އުސޫލެއް އެކުލަވާލައިގެން އެ އުސޫލު މަތިންނެވެ. ދުނިޔޭގެ ސިއްހަތު ޖަމުއިއްޔާއިން ވެސް އަދި އިންޑިއާއިންވެސް ކުރިން މިފަދަ މަރުކަނޑައެޅުމަށް މާނައެއް އެކުލަވާލާފައެއް ނުވެއެވެ. އިންޑިއާއިން ބުނަނީ ކޮވިޑަށް ޕޮޒިޓިވްވި މީހާ ކޮމިޑް މަރެއްކަމަށް ބަލާނީ ފައްސި ވާ ދުވަހު ނޫން އަނެއް ދުވަހު މަރުވުމުން ތޯ ނުވަތަ ދެ ހަފްތާ ތެރޭގައި މަރުވުމުން ތޯ ނޫނީ ދެ މަސް ނޫނީ ހަމަސް ތެރޭގައި މަރުވުމުން ތޯއެވެ؟
އިންޑިއާގެ ދިރާސާއިން ދައްކާ ގޮތުގައި ކޮވިޑް ޖެހުނު މީހުންގެ 95 ޕަސެންތް މަރުވެފައި ވަނީ ބައްޔަށް ފައްސިވެގެން ހަތަރު ހަފްތާގެ ތެރޭގައެވެ. އެހެންވެ އިންޑިއާއިން ބަލަނީ 30 ދުވަސް ތެރޭގައި ލައިގަންނަ މަރަކީ ކޮވިޑް މަރެއް ކަމަށެވެ.
އިންޑިއާއިން ވަނީ ޑަބްލިއުއެޗްއޯގެ މެތެމެޓިކަލް މޮޑެލްއަށް އިއުތިރާޒް ކޮށްފައެވެ.
