ޕާކިސްތާނުގެ އަލަށް އައްޔަންކުރި ދާޚިލީ ވަޒީރު ރާނާ ސަނާއުاللهއަކީ "ޓެރަރިސްޓް ޖަމާއަތްތަކުގެ ބައިވެރިއެއް" ކަމަށް ތުހުމަތުކޮށް، އިދިކޮޅު ފަރާތްތަކުން އދއަށް ސިޓީއެއް ފޮނުވައިފިއެވެ. ޕާކިސްތާނުގެ ގިނަ ދާޚިލީ ވަޒީރުންނަކީ މިދިޔަ 30 އަހަރުގެ ތެރޭގައި ހަނގުރާމަވެރި ޖަމާޢަތްތަކާ ވަރަށް ގާތުން ގުޅުން ބަދަހި ކޮށްފައިވާ ފަރާތްތަކެވެ. އދގެ އިންސާނީ ހައްގުތަކާ ބެހޭ ހައި ކޮމިޝަނަރަށް ފޮނުވި ސިޓީއަކީ، ސަލާމަތީ އަދި ހާރިޖީ ކަންކަމާ ބެހޭ އަދި މަޝްހޫރު ސަލާމަތީ ކަންކަމާ ބެހޭ ތަޖުރިބާކާރު ޝީރީން މަޒާރީ ލިޔުއްވާފައިވާ ސިޓީއެކެވެ.މިހާރުގެ ދާޚިލީ ވަޒީރު ރަނާ ސަނާއުالله އަކީ 31 އަހަރުގެ ޖަލު ހުކުމެއް ތަންފީޒު ކުރަމުން ގެންދާ ހާފިޒް ސައީދުގެ ޖަމާއަތުއް ދައުވާ އާއި އދ އިން މަނާކޮށްފައިވާ ލަޝްކަރޭ ތޮޔާބާއާއި ގުޅުން އޮންނަ ބޭފުޅެކެވެ. އިމްރާން ޚާންގެ އެންމެ ފަހުގެ ދާޚިލީ ވަޒީރު ޝޭޚް ރަޝީދު އަޙްމަދަކީވެސް ހަނގުރާމަވެރިންނާ ގުޅުން އޮންނަ ބޭފުޅެއްކަން އެނގިފައިވެއެވެ.

އިތުރު ލިޔުންތައް