އިޒްރޭލަށް ދައުލަތެއްގެ ގޮތުގައި 80 އަހަރަށް އޮވެވިދާނެ ހެއްޔެވެ؟ މިއަދާ ހަމައަށް ތާރީޚްގައި ޔަހޫދީންގެ އެއްވެސް ދައުލަތަކަށް 80 އަހަރު ފުރިހަމަ ކުރެވިފައެއް ނުވެއެވެ. ނުވަތަ 80 އަހަރަށް ވުރެން ގިނަ ދުވަހަކަށް އެއް ދައުލަތެއްގައި އުޅެވިފައެއް ނުވެއެވެ. އެކަމަކު ތާރީޚްގައި ދެ މުއްދަތެއްގައި މިވާހަކަ އިސްތިސްނާ ވެގެން ވެއެވެ.
އިސްރާއީލުގެ ކުރީގެ ބޮޑުވަޒީރު އެހޫދު ބަރަކްގެ ބިރަކީވެސް އެއީއެވެ.
އިސްރާއީލުގެ 80 ވަނަ އަހަރީ ދުވަހުގެ ކުރިން އިސްރާއީލު ނިމުމަކާ ގާތްވެފައިވާ ކަމުގެ ކަންބޮޑުވުންތައް އޭނާ ވަނީ ފާޅުކުރައްވާފައެވެ.
އޭނާ ވިދާޅުވީ ޔަހޫދީންގެ މުޅި ތާރީޚުގައި ވެސް ޔަހޫދީން ދެ ދައުރުގައި 80 އަހަރަށް ވުރެ ގިނަ ދުވަހު ދެމި ތިބވެފައި ވަނީ ދެ ފަހަރުއެވެ. އެއީ ދާއޫދުގެފާނުގެ ވެރިކަމުގައިއާއި ހަޝްމޯނީންގެ ވެރިކަމުގައެވެ. އީސާގެފާނު ދުނިޔެއަށް ވަޑައިގަތުމުގެ 37 އަހަރު ކުރިން ރޯމަނުން ދިން ހަމަލާއަކުން މިވެރިކަން ވެށްޓުނެވެ.
ބަރާކް ވަނީ އޭނާގެ ނުތަނަވަސްކަން އިޒްރޭލުގެ ނޫހެއް ކަމަށްވާ ޔަދީއޯތު އަހުރަނޯތުގައި ލިޔުއްވާފައެވެ.
ޔަހޫދީ ޒަޔަނިސްޓް ދައުލަތުގެ މިހާރުގެ ތަޖުރިބާއަކީ ދައުލަތެއްގެ ގޮތުގެ ތިންވަނަ ތަޖުރިބާކަމަށް ވިދާޅުވަމުން ބާރާކް ލިޔުއްވީ ބިރަކީ 80 އަހަރުގެ ތެރެގައި ލައިގަންނަ ސުންޕާކަން މިހާރުގެ ޒަޔަނިސްޓް ދައުލަތަށްވެސް ލައިގަނެފާނެތީއެވެ.
ބަރާކް ފާހަގަކުރެއްވި 80ގެ ސުލްޕާކަން ލައިގަންނަނީ އިޒްރޭލަށް އެކަންޏެއް ނޫނެވެ. އެހެން ގައުމުތަކަށްވެސް މި80ގެ ސުންޕާކަން ލައިގަނެފައިވާ ކަން ހާމަ ކުރައްވަމުން އޭނާ ވިދާޅުވީ އެމެރިކާގެ އަހުލީ ހަނގުރާމަ ފެށުނީ އެ ގައުމުގެ އުމުގެ 80ގެ ތެރޭގައި ކަމަށާއި އިޓަލީވިލާތް ފޭސިސްޓް ދައުލަތަކަށް ބަދަލުވީ އުމުރުން 80ގައި ކަމަށާއި ޖަރުމަން ނާޒީ ގައުމަކަށް ބަދަލުވެ ރޫޅި ބަލިވެގެން ދިޔައީ އުމުރުން 80ގައި ކަމަށާއި ރޫސީވިލާތް ރޫޅިގެން ދިޔައީ އުމުރުން 80ގައި ކަމަށެވެ.
ފަލަސްތީނުގެ ދީނީ އިލްމުވެރިއެއްކަމަށްވާ ޝެއިޚް ބައްސާމް އަލްޖައްރާރު ވަނީ 1980ގެ އަހަރުތަކުގެ ތެރޭގައި އިޒްރޭލުން އޭނާ ލުބުންނާ ސަރަހައްދަށް ބޭރުކޮށްލި އިރު އޭނާއާ ބައްދަލުވި ވަރަށް އުމުރުން ދުވަސްވެފައިވާ މުސްކުޅި ޔަހޫދީ އަންހެނަކު ހޭލީޒް ކޮމެޓާއި އިޒްރޭލުގެ ދައުލަތް ނެތި ދިއުމާ ބެހޭ ގޮތުން ޔަހޫދީން ގެންގުޅޭ ބައެއް ފޮތްތަކުގައި ލިޔެވިފައިވާ ވާހަކަ އޭނާއާ ޙިއްސާ ކުރި ކަމަށް ކިޔައި ދީފައެވެ. ބައްސާމް ވަނީ މި ވާހަކަތަކުގެ އަލީގައި އިސްރާ ސޫރަތުގެ 4 ވަނަ އާޔަތާއި 5، 6 އަދި 7 ވަނަ އާޔަތް ތަފްސީރުކުރައްވައި ހިސާބު ނަމްބަރުތަކެއް ޖައްސަވައިގެން އިޒްރޭލުގެ ދައުލަތް ރޫޅިގެންދާނެ ކަން ބަޔާން ކޮށް ދެއްވާފައެވެ. އޭނާގެ ހިސާބުތަކުން އިޒްރޭލު ރޫޅިގެން ދަނީ 2023ގައެވެ.
