އިޒްރޭލު ސިފައިން ވަނީ ފަލަސްތީނުގެ ރުއްމާނާ ވިލެޖަށް ވަދެ، ޓެލްއަވީވްގެ އިލްއާދް ހަމަލާ ދިން ދެ ޒުވާނުންގެ އާއިލާ ހިފަހައްޓައި އެމީހުންނާއެކު 4 ގަޑި އިރުވަންދެން ތަހުގީގު ކޮށްފައެވެ. މި ހަމަލަ ދިން ދެ ޒުވާނުންނަކީ ސުބްހީ ސަބީހާތާއި އޭނާގެ ރަހުމަތްތެރިޔާ އަސްއަދުއްރިފާއީއެވެ. ސުބްހީއަކީ އޭނާގެ މައިންބަފައިންގެ ހުރި ހަމައެކަނި ދަރިފުޅެވެ.
މި ދެ އާއިލާއިންވެސް ބުނެފައި ވަނީ ބުރާސްފަތި ދުވަހުންގެ އާއިލާއަށް މިމީހުންގެ ޚަބަރެއް ވެފައި ނުވާ ކަމަށެވެ.
އިޒްރޭލުން ފަލަސްތީނު މީހުންނާ ދެކޮޅަށް ނެއްގާނި ހަމަލަތައް ދެމުންދާތާ ދޮޅު މަސް ވެގެން ދިޔައީއެވެ. އެއާއެކު ފަލަސްތީނު މީހުން ވަނީ އިޒްރޭލުގެ 17 މީހަލު މަރާލާފައެވެ. އަދި 31 ޔަހޫދީއަކު ޒަޚަމް ކޮށްލާފައެވެ.
މިއަދު އިޒްރޭލު ސިފައިން ވަނީ ތަހުގީގު ކުރުމަށްފަހު އެ އާއިލާތަކުގެ ގެތައް (ފޮޓޯގައި) ދޫކޮށް ގޮސްފައެވެ. އެތަންތަން އިޒްރޭލުން ގޮއްވާލާނެ ކަމެއް ނޫން ކަމެއް އަދި ސާފެއް ނުވެއެވެ. އާންމު ގޮތެއްގައި އިޒްރޭލުން މިގެތައް ގޮއްވާލައި ހަދައެވެ.
