ހަމާސްގެ ލީޑަރުންނާ ދެކޮޅަށް ޓެރަރިސްޓް ހަމަލަތައް ދޭނެ ކަމުގެ އިންޒާރު އިޒްރޭލުން ދީފިއެވެ. އިޒްރޭލުގެ ބޮޑު ވަޒީރު ނެފްތާލީ ބެނެޓް ވިދާޅުވީ އިޒްރޭލާ ދެކޮޅަށް ހަމަލަތައް ދެމުން ގެންދަނީނަމަ، ފަލަސްތީނުން ބޭރުގައި ދިރިއުޅޭ ފަލަސްތީނުގެ ލީޑަރުން އަވަހާރަ ކޮށްލަން އިޒްރޭލުން ހަމަލަ ދޭނެ ކަމަށެވެ.
ދޮޅު މަހެއްހާ ދުވަސް ތެރޭގައި ފަސްތީނުގެ ހިފާފައިވާ ބިންތަކާއި 1948 އިޒްރޭލުން ހިފާފައިވާ ބިންތަކުގައި ފަލަސްތީނުގެ ޒުވާނުން ގެން ދަނީ އިޒްރޭލުން ވަޒަން ވެރިކޮށްފައިވާ މީހުންނާ ދެކޮޅަށް ހަމަލަ ދެމުންނެވެ. ޔަހޫދީންގެ 19އަށް ވުރެން ގިނަ މީހުން މަރާލައި އެތައް ބަޔަކަށް ބޮޑެތި ޖާނީ އަނިޔާތަކެއް ވެފައިވާ އިރު އިޒްރޭލަށް ފަލސްތީނުގެ ޒުވާނުންގެ ހަމަލަތައް ވަނީ ކޮންޓްރޯލު ނުވެފައެވެ.
އިޒްރޭލުން އެންމެ ރައްކާކެތިކޮށް ބަލަހައްޓާ ޓެލްއަވީވް ގައިވެސް ދެ ތިން ހަމަލައެއް ފަލަސްތީނުގެ ޒުވާނުން ވަނީ ދީފައެވެ.
އިނގިރޭސިވިލާތުގެ ޓައިމްސްގައި ޝާއިއުކޮށްފައިވާ ރިޕޯޓްގައި ވާގޮތުން ފަލަސްތީނު ލީޑަރުންނާ ދެކޮޅަށް އިޒްރޭލުން ދުނިޔޭގެ އެކި ގައުމުތަކުގައި ދޭން ވިސްނާ ޓެރަރިސްޓް ހަމަލާތަކަކީ އިޒްރޭލަށް އެތައް ޖީލަކަށްފަހުވެސް 80 އަހަރުގެ ތެރޭގައި ފަލަސްތީނު މީހުންގެ އަޒުމު ބަލި ކުރެވިފައި ނުކަމުގެ ސާފު ހެއްކެކެވެ.
ޒަޔަނިސްޓުން ބިރުގަންނަ ހަމަލަތައް މިހާރު ދެމުންދާ އެންމެނަކީ އެމީޙުންގެ ވީހުގެ އަހަރުތަކުގައި އުޅޭ ޒުވާނުންނެވެ.
