ވިކީ ވައިޓް ޖަލުގެ ވަޒީފާއިން ރިޓަޔަރ ވާން އެންމެ ދުވަހެއް ބާކީ އޮތްވައި އުމުރުން ޒުވާން ކުށްވެރިއސަކާއެކު ފިލައިގެން ގޮސް އޮތީ ހޮޓަލެއްގައެވެ. ފުލުހުންނަށް ލިބުނު ސިއރު މައުލޫމާތުން އޭނާ ހޯދައި ގަތީ އެތަނުންނެވެ. އޭނާ ވަނީ މި ދެވެރިން އެކުގައި ފިލައިގެންދާން ކާރެއްވެސް ގަނެ ދުރާލައި އެކަމަށް ތައްޔާރު ވެފައެވެ.
ފިރިހެން ސޮރަކީ ދެމީހަކު މާރާލުމުގެ ކުށުގައި ޖަލަށް ލާފައި ހުރި މީހެކެވެ. އަދި ވިކީ ވައިޓާ އަޅާބަލާއިރު އެ ސޮރަކީ އުމުރުން ދެބައި ހަގު ސޮރެކެވެ.
ފިލައިގެން ދިޔަ ޖަލާ 200 މޭލު ދުރުން ދެމީހުން ހޯދައި ގަތް އިރު ފިރިހެންމީހާ އަތުލައިގަނެވުނީ ސަލާމަތުން ހުއްޓައެވެ. އަންހެން މީހާ އަމިއްލައަށް ބަޑިން ލިބިގަތް ހަމަލާއެއްގައި ހަސްފަތާލުގައި ފަރުވާ ދެމުން ދަނިކޮށް ރޭ ވަނީ މަރުވެފައެވެ.
މި ދެމީހުން އަތުލައި ގަތުމަށް ފުލުހުން ވަނީ 15 މިނެޓް ވަންދެން ކާރުގައި މިމީހުންގެ ފަސްފަހަތުން ބާރަށް ދުއްވާފައެވެ.
ކުރީގެ ވާހަކަ ކިޔާލުމަށް: ފިލައިގެން ދިޔައީ ގާޑްވެސް ގޮވައިގެން
