ޕާކިސްތާންގެ ފޮރިން މިނިސްޓަރ ބިލާވަލް ބުއްޓޫ ޒަރްދާރީ، އެމެރިކާގެ ޚާރިޖީ ވަޒީރު އެންތޮނީ ބްލިންކެންގެ ދައުވަތަކަށް އެމެރިކާއަށް މާދަމާ ވަޑައިގަންނަވާނެއެވެ. މިދަތުރުފުޅަކީ، ފުޑު ސެކިއުރިޓީއާ ބެހޭ ބައްދަލުވުމެއްގައި ތަގުރީރު ކުރެއްވުމަށް ދެއްވާފައިވާ ދައުވަތެކެވެ. އަދި ދެ ފޮރިން މިނިސްޓަރުން މަޝްވަރާތައްވެސް ބާއްވަވާނެއެވެ.
ބުއްޓޫ ޒަރްދާރީ މިއަދު ހުންނެވީ ޔޫއޭއީގައެވެ. ޔޫއޭއީއަށް ކުރައްވާ ދަތުރުފުޅަކީ، އާލަ ނަހްޔާން އާއިލާއަށް ތައުޒިޔާ ދެންނެވުމަށް ކުރައްވާ ދަތުރުފުޅެކެވެ.
އެމެރިކާ ދަތުރުފުޅުގައި ޕާކިސްތާންގެ ޚާރިޖީ ވަޒީރުގެ އަރިހު އިސް ބޭފުޅުންވެސް ވަޑައިގަންނަވާނެއެވެ.
