އިންޑިއާގެ މަތިންދާބޯޓު އުފުލާ މަނަވަރުގައި ބޮއިންގ އެފް/އޭ-18އީ ސުޕަރ ހޯރނެޓް މަތިންދާ ބޯޓު ބޭނުން ކުރުމާ ބެހޭ ޓެސްޓްތައް މި މަހުގެ 23 ވަނަ ދުވަހު ގޯވާގައި ފަށާނެއެވެ. މިޓެސްޓްތަކަށް އެމެރިކާ ސިފައިންގެ ނޭވީގެ ދެ ތަޖުރިބާކާރަކުވެސް އިންޑިއާއަށް އަންނާނެއެވެ. މަނަވަރުގައި އެފް18ގެ ބޯޓުތައް ޖައްސައި ޓެސްޓް ކުރުމުގެ ކުރިން ގޯވާގެ އަސްކަރީ މަރުކަޒު ހަންސާގައި ހަދާފައިވާ 283 މީޓަރުގެ ނަމޫނާ އެއްގައި މި ބޯޓުތައް ޖައްސައި ޓެސްޓް ކުރާނެއެވެ.
މި ޓެސްޓްތައް ކާމިޔާބު ނަމަ، އިންޑިއާގެ މަތިންދާބޯޓު އުފުލާ މަނަވަރު އައިއެންއެސް ވިކްރަމަދިތްޔަގައި ޓެސްޓް ކުރާނެއެވެ.
އިންޑިއަން ދަނީ އަލަށް ބަނދެ ބާލާފައިވާ މަތިންދާބޯޓު އުފުލާ އައި.އެސް ވިކްރާންތުއަށް 26 މަތިން ދާބޯޓު ގަތުމަށް ބޯޓުތައް ޓެސްޓް ކުރަމުންނެވެ.
އިންޑިއާއިން ބުނާ ގޮތުގައި މިހާރުވެސް އިންޑިއާ ސިފައިން އެމެރިކާގެ އަސްކަރީ މަތިންދާބޯޓާއި ހެލިކޮޕްޓަރުތައް ބޭނުން ކުރާތީ އިންޑިއާއަށް އެމެރިކާ އުޅަނދުތައް ލިބިއްޖެނަމަ ފަސޭހަ ވާނެ ކަމަށެވެ.
މީގެ ކުރިން އިންޑިއާއިން ވަނީ ފަރަންސޭސި ރަފައެލް ފައިޓަރ ޖެޓްތައްވެސް ޓެސްޓް ކޮށްފައެވެ.
އިންޑިއާއިން ބޭނުން ވަނީ ކުއޯޑުގެ އެހެން ގައުމުތަކުގައި ބޭނުންކުރާ ވައްތަރުގެ އަސްކަރީ އުޅަނދުތައް ގަންނާށެވެ.
