ޝީރީން ޝަހީދު ކޮށްލި ހާދިސާ ތަހުގީގު ނުކުރާން އިޒްރޭލުން ނިންމާފައިވަނީ އިޒްރޭލު ސުޕްރީމް ކޯޓުން ކޮށްފައިވާ ޙުކުމަކާ ގުޅިގެންނެވެ. އެ ޙުކުމްގައި ބުނެފައި ވަނީ (ހިފާފައިވާ ބިންތަކުގައި) އިޒްރޭލު ސިފައިން ހިންގާ އޮޕަރޭޝަނަކާ ގުޅިގެން ދިމާވާ މައްސަލައެއްގައި އެހާދިސާއެއް ހިނގާ މުއްދަތާ ކައިރީގައި ތަހުގީގެއް ހިންގައިގެން ނުވާނެ ކަމަށެވެ.
އިޒްރޭލު ސިފައިން ވަނީ ޝީރީން ޝަހީދުކޮށްލަން ބޭނުން ކުރި ބަޑި ހޯދައި ގަނެވިއްޖެކަމަށް އެސޯސިއޭޓެޑް ޕްރެސްއަށް ކަށަވަރު ކޮށްދީފައެވެ. އަދި ސިފައިން ވަނީ އެ ބަޑި އަތުލައިގެން ފައެވެ.
ނަމަވެސް އޭނާގެ ގަޔަށް އެރި ވަޒަން ފަލަސްތީނު ސަރުކާރުން ދޭން ދެކޮޅު ހަދާތީ އެމައްސަލަ އިޒްރޭލު ސިފައިންނަށް އިތުރަށް ތަހުގީގު ކުރެވެން ނެތް ކަމަށް ބުނެއެވެ.
ފަލަސްތީނުގެ ސަރުކާރުން ވަނީ އިޒްރޭލުގެ މި ނިންމުން ކުށްވެރިކޮށްފައެވެ. އަދި ފަލަސްތީނުގެ ޖަސްޓިސް މިނިސްޓަރު ވަނީ މި މައްސަލާގައި ޖިނާއީ ތަހުގީގެއް ހިންގުމަށް ބައިނަލްއަގްވާމީ ފަރާތްތަކަށް ހުށަހަޅާނެ ކަމަށް ބުނެފައެވެ.
