ޖަޕާނުގެ ހެދުމާއި ރިޓެއިލް ސާމާން ވިއްކާ ބައިނަލްއަގްވާމީ ބްރޭންޑް ޔުނިކްލޯގެ ހެޑްކުއާޓާގައި އިންޑިއާގެ ބޮޑު ވަޒީރު ނަރެންދްރަ މޮދީ ބޭއްވެވި ބައްދަލު ކުރެއްވުމުގައި ޔުކިކްލޯއިން އިންޑިއާގައި އިތުރަށް އިންވެސްޓް ކުރުމަށް ދައުވަތު ދެއްވައިފިއެވެ. މޯދީ ވަނީ، ޓެކްސްޓައިލްސްގެ މެނުފެކްޗަރިންގ ހަބަކަށް ވުމަށް އިންޑިއާއިން ކުރަމުންދާ ދަތުރުގައި ބައިވެރިވުމަށް ވެސް ގޮވާލައްވާފައެވެ.ޓަޑާޝީ ޔަނާއީ ގެ ވާހަކަފުޅުގައި، އިންޑިއާގައި ޔުނިކްލޯގެ ވިޔަފާރި މިހާރުވެސް ކުރިއަރަމުން އަންނަ ކަމާއި، އިންޑިއާ ސަރުކާރުން އިއުލާން ކޮށްފައިވާ ޕްރޮޑަކްޝަން ލިންކްޑް އިންސެންޓިވް (ޕީއެލްއައި) ސްކީމްގެ ދަށުން ޓެކްސްޓައިލް މެނުފެކްޗަރިންގއަށް އިންވެސްޓް ކުރުމުގެ ފުރުސަތު ތަކާ ބެހޭގޮތުން އޭނާ މޯދީ އަރިހުން ސުއާލުކުރެއްވިއެވެ. މީގެ އިތުރުން، އިންޑަސްޓްރިއަލް ޑިވެލޮޕްމަންޓާއި، އިންފްރާސްޓްރަކްޗަރާއި، އިންޑިއާގެ ޓެކްސް ނެގުމުގެ ނިޒާމާއި، މުވައްޒަފުން ލިބުމުގެ ފަސޭހަ ކަމާއި އިންޑިއާގައި ބޭރުގެ އިންވެސްޓަރުންނަށް ވިޔަފާރި ކުރުމުގައި ހުރި ލުއިފަސޭހަ ގޮތްތަކާ ބެހޭ މައުލޫމާތު އޭނާ ދެއްވިއެވެ.

އިތުރު ލިޔުންތައް