އިންޑިއާގެ އުއްތުރަ ޕްރަދޭޝްގައި މިސްކިތެއްގެ ފާރައަށް ތިބި މުސްލިމުން ޝަހީދު ކޮށްލި މައްސަލާގައި ބަދަލު ދިނުމަށް މުސްލިމުން ގޮވާލައިފިއެވެ. މުސްލިމުންގެ އެންމެ ބޮޑު ޖަމުއިއްޔާ، ޖަމުއިއްޔަތޭ އުލަމާއޭ ހިންދު އިން ވަނީ ސަމްބާލް ސިޓީގެ އިސް ފަރާތްތަކާ ބައްދަލު ކޮށްފައެވެ. އަދި މުސްލިމުން ޝަހީދު ކުރި މީހުންގެ ތަހުގީގެއް ހިންގައި ވަގުތުން ސަސްޕެންޑް ކުރުމަށް އެދިފައެވެ.
ޖަމުއިއްތޭ އުލަމާއޭ ހިންދުގެ ޖެނެރަލް ސެކްރެޓަރީ މައުލާނާ ހަކީމުއްދީން ޤާސިމީ ވަނީ ޝަހީދު ކުޅަ ކޮންމެ މުސްލިމަކަށް ބައި މިލިއަން ރުޕީސް ދޭންޖެހޭނެ ކަމަށް ވިދާޅުވެފައެވެ.
ޖުމުލަ 3 މުސްލިމުންގެ ގަޔަށް ބަޑި ޖަހައި ޝަހީދުކޮށްފައި ވެއެވެ. އެކަން ކުރީ ފުލުހުންނެވެ.
މައްސަލައަކީ 1526 ވަނަ އަހަރު ބިނާ ކުރި ސަމްބާލްގެ ހުކުރު މިސްކިތުގެ އަޑީގައި ހިންދީންގެ ބަގުވާނުން ކޮޅެއްގެ ބުދުތަކެއް ހުރިކަމަށް ބުނެ ހައްދުފަހަނައަޅާފައިވާ ހިންދޫ ވަކީލަކު ކުރި ދައުވާއަށް މުސްލިމުންގެ ބަހެއް އެހުމެއް ނެތި ސާވޭ ކުރުމަށް ޔޫޕީ ހައިކޯޓުން އެންގި އެންގުމެވެ.
