އޮސްޓްރޭލިއާގެ ކުއީންސްލެންޑްގެ އުތުރު ހިސާބެއްގައި އުޅުނު ޒަޔަނިސްޓު ޔަހޫދުންގެ ދެ ޓޫރިސްޓަކު ފަލަސްޠީނާ ދެކޮޅަށް ވާހަކަ ދައްކައި ދިމާކުރަން ފެށުމުން ފިހާރަވެރިޔާ މަރުތޭލަކުން އެ ޔަހޫދުން ބިރުގަންނަވާ ލައިފިއެވެ.
ދުންފަތުގެ ސަމާނު ވިއްކާ ފިހާރައެއްގައި ބަހައްޓާގައި ހުރި ޚައިރާތު ފޮށްޓެއްގައި ފަލަސްޠީނަށް އެހީވެ ދިނުމަށް ސްޓިކާއެއް ޖަހާފައި ހުރުމުން ދެ ޔަހޫދުން އެކަމާ މައްސަލަ ޖައްސަން ފެށީއެވެ. ދެމީހުންނަކީވެސް ވީހުގެ އަހަރުތަކުގެ ދެ ފިރިހެނުންނެވެ.
ފިހާރަ ވެރިޔާ މަރުތޭލެއް ހިފައިގެން ނިކުތުމުން ދެ ސޮރު ފިލައްޖައޫއެވެ.
އޮސްޓްރޭލިޔާގެ ޔަހޫދުންގެ ޖަމުއިއްޔާއިން ބުނީ އެއީ ޔަހޫދުންނަށް ވީމަ ދިމާވިކަމެއް ކަމަށެވެ. އެމީހުންގެ އަގަލު ކުޑަ ކަމުގެ ވާހަކައަށް އިޝާރާތް ކޮށްފައެއް ނުވެއެވެ.
ފަލަސްޠީނުގެ ނަން މީގެ ކުރިން ވަޅު ޖެހިފައި އޮތުމަށްފަހު ކޮމާންޑަރު ޔަހުޔާ އިބްރާހީމް ސިންވާރުގެ މަސައްކަތަށްފަހު، ދުނިޔޭގެ ކަންކޮޅުތަކުގައި ފަލަސްޠީނުގެ މިނިވަންކަމަކީ މިހާރު އާންމު ވާހަކައެކެވެ.
