ހުވަދުއަތޮޅު ދެކުނުބުރީ ހޯޑެއްދުއާއި މަޑަވެލީގައި އަޅާ އައު ސެންޓްރަލް ޕަވަރ ހައުސް އިމާރާތުގެ ބިންގާ މިމަހުގެ 27 ވަނަ ދުވަހު އަޅުއްވައި ދެއްވައިފިއެވެ. ސެންޓްރަލް ޕަވަރ ހައުސްގެ ބިންގާ އަޅުއްވައިދެއްވީ ފެނަކަ ކޯޕަރޭޝަން ލިމިޓެޑްގެ މެނޭޖިން ޑިރެކްޓަރ އަޙްމަދު ސަޢީދާއި ހޯޑެއްދޫ ކައުންސިލްގެ ރައީސް މުޙައްމަދު ވާރިސެވެ.
މިއީ އެއްފަޅެއްގައި އޮންނަ މިދެެ ރަށުގެ ކަރަންޓުގެ މައްސަލަތައް ޙައްލުކުރުމަށް ކުރިއަށްގެންދާ މަޝްރޫޢުގައި ހިމެނިގެން ކުރިއަށް ގެންދާ ކަމެކެވެ. މި މަސައްކަތް ފަށާތާ 6 މަސް ދުވަހުގެ ތެރޭގައި މަސައްކަތުގެ ބޮޑުބައެއް ނިންމާ ގޮތަށްެވަނީ ޖަމަޖެހިފައެވެ. މި މަޝްރޫއުގެ ދަށުން ކަރަންޓް ނެޓްވޯކްތައްވެސް އަޕްގްރޭޑް ކުރެވިގެންދާނެއެވެ. މި މަޝްރޫޢާއެކު ރަށަށް ކަރަންޓު ފޯރުކޮށްދިނުމަށް ވަރަށްބޮޑު ލުއި ފަސޭހަކަމެއް ލިބި، ޒަމާނީ ނިޒާމެއްގެ ތެރެއިން ޔަޤީންކަމާއެކު ޚިދުމަތް ދެވޭނެކަމަށް ފެނަކަ އެމްޑީ ވިދާޅުވިއެވެ.
ފެނަކަ ކޯޕަރޭޝަނުން ގެންދަނީ ރަށްރަށުގައިހުރި ދުވަސްވީ އިންޖީނުގެތައް އައުކޮށް މީހުންނޫޅޭ ސަރަހައްދުތަކަށް އިންޖީންގެތައް ބަދަލު ކުރުމުގެ މަޝްރޫއެއް ހިންގަމުންނެވެެ.
