ކ.ތިލަފުށި ކައިރިން ބަންޑުން ޖަހާލާފައިވާ ދޯންޏެއް އޮޔާދާ ކަމަށް އެމްއެންޑީއެފުން ވިދާޅުވެއްޖެއެވެ. އެތަނުން ވިދާޅުވެފައިވަނީ އެ މަޢުލޫމާތު އެމްއެންޑީއެފް ކޯސްޓްގާޑަށް ލިބުމާއެކު އެ ސަރަހައްދުން ދަތުރުކުރައްވާ ފަރާތްތަކުން ސަމާލުވުމަށް އިލްތިމާސް ކޮށްފައިވާނޭ ކަމަށެވެ.
މަޢުލޫމާތު ލިބިފައިވާ ގޮތުގައި އެ ދޯނި އޮޔާދަނީ ކ.ތިލަފުށީގެ އިރުމައްޗަށް ވާގޮތަށް ގުޅީފަޅާ ދިމާއަށެވެ. ވީމާ، އެ ސަރަހައްދުން ދަތުރުކުރައްވާ ފަރާތްތަކުން މިކަމަށް ސަމާލުކަމެއް ދެއްވުމަށާއި އަދި ރޭގަނޑު އެ ސަރަހައްދުން ދަތުރުކުރައްވާ ފަރާތްތަކުން ޚާއްޞަ ސަމާލުކަމެއް ދެއްވުމަށް އެމްއެންޑީއެފުން ވަނީ އެދިވަޑައިގެންފައެވެެ.
މިދުވަސްވަރަކީ ރާއްޖެއަށް މޫސުން ގޯސްވެ ވިއްސާރަ ދުވަސްވަރެއް ކަމުން ކަނޑުމަތީގެ ހާދިސާތައް ވެސް ދަނީ އިތުރުވަމުންނެވެ.
