ސްރީލަންކާގެ އިގްތިސާދީ ކާރިސާގެ ފަހަތުގައި ވަނީ ދެ ފުށް ނުފެންނަ ގޮތަށް ދީފައިވާ ބޮޑެތި ސުރުޚީތަކުގައި ފަވާލެވިފައިވާ ބިޔަ ޕްރޮޖެކްޓްތައް ކަމަށް ޔުނައިޓެޑް ސްޓޭޓްސް އޭޖެންސީ ފޯ އިންޓަނޭޝަނަލް ޑިވެލޮޕްމަންޓް (ޔޫއެސްއެއިޑް)ގެ އެޑްމިނިސްޓްރޭޓަރު ސަމަންތާ ޕަވާ ވިދާޅުވެއެވެ.
އައިއައިޓީ ދިއްލީގައި ތަޤްރީރު ކުރައްވަމުން، މިސް ޕަވަރ ދެއްކެވި ވާހަކަފުޅުގައި، ސްރީލަންކާގައި ކުއްލި ޙާލަތު އިޢުލާނު ކުރުމާ ގުޅިގެން، އިންޑިޔާއިން އެޅި "އަވަސް" ފިޔަވަޅުތަކަށް ތަޢުރީފު ކުރެއްވިއެވެ. ކާބޯތަކެތީގެ ރައްކާތެރިކަމަށް ފާއިތުވި 70 އަހަރު ދެ ގައުމުން ގުޅިގެން އަޅާފައިވާ ފިޔަވަޅަށްވެސް އޭނާ ތައުރީފު ކުރެއްވިއެވެ.
މިސިޒް ޕަވަރ ވަނީ ޔުކްރެއިންގައި ހިނގަމުންދާ ހަމަނުޖެހުންތަކާއި އަދި އޭގެ ސަބަބުން އުފެދިފައިވާ ބަނޑުހައިހޫނުކަމާއި ފަގީރުކަން ނައްތާލުމުގައި އިންޑިއާއިން މިހާރަށްވުރެ ބޮޑު ދައުރެއް އަދާކުރުމަށް ގޮވާލައްވާފައެވެ.
ޗައިނާއިން ސްރީލަންކާގައި ކުޅެފައިވާ ދައުރަށްވެސް އޭނާ ވާހަކަ ދެއްކެވިއެވެ.
"ހަމަޔަގީނުންވެސް، ފާއިތުވެދިޔަ ދެހާހުގެ އަހަރުތަކުގެ ތެރޭގައި، ޗައިނާ ވެގެން ދިޔައީ ސްރީލަންކާގެ އެންމެ ބޮޑު އެއް ކްރެޑިޓަރުންގެ ތެރޭގައި، ގިނަ ފަހަރަށް ދެފުށް ނުފެންނަ ލޯނު ޑީލްތަކެއް ލޯނުދޭ އެހެން ފަރާތްތަކަށް ވުރެ ބޮޑު އިންޓަރެސްޓް ރޭޓުގައި ދީފައި ވަނީ. އަދި ގިނަ ފަހަރަށް ސްރީލަންކާގެ ރައްޔިތުންނަށް ބޭނުން ނުވާފަދަ ސުރުޚީ ހަދާލާ އިންފްރާސްޓްރަކްޗާ މަޝްރޫއުތަކަށް ފައިނޭންސް ކޮށްފައި މިވަނީ" މިސް ޕަވަރ ވިދާޅުވި އެވެ.
ޗައިނާއިން ސްރީލަންކާއަށް އިތުރު ލުއިތަކެއް ދިނުމަށް ގޮވާލާ ގޮވާލުންތަކަށް ޗައިނާއިން އިޖާބަ ނުދޭކަން ވެސް އޭނާ ފާހަގަ ކުރެއްވިއެވެ. އެހެން ވުމުގެ ސަބަބުން އެންމެ ބޮޑު ސުވާލަކީ، ބެއިޖިންގއިން ދަރަނި ރީސްޓްރަކްޗަރ ކުރާނީ އެހެން ބައިލެޓްރަލް ކްރެޑިޓަރުންނެކޭ އެއްފަދައިންތޯ ސުވާލު އުފެދޭކަމަށް އެކަމަނާ ވިދާޅުވިއެވެ.
އެކަމަނާ ވިދާޅުވީ، 2022 ވަނަ އަހަރު އެމެރިކާއިން ސްރީލަންކާއަށް އިމަރޖެންސީ ފައިނޭންސިންގގެ ގޮތުގައި 180 މިލިއަން އެމެރިކާ ޑޮލަރު ދީފައިވާ ކަމަށާއި، ކޮލަމްބޯގެ އެހީއަށް އިންޑިއާ އަވަސްވެ ގަތުމުން އެކަމަށް ތައުރީފް ކުރައްވާ ކަމަށާއި، "އިންޑިއާ ސަރުކާރުން މިހާރުވެސް ސްރީލަންކާއަށް 16 މިލިއަން ޑޮލަރުގެ އިންސާނީ އެހީ ފޯރުކޮށްދީފައިވާ ކަން ފާހަގަ ކުރެއްވިއެވެ. އަދި ހަމަ އެފަދައިން ދަނޑުވެރިންނަށް އެހީތެރިވުމުގެ ގޮތުން އިންޑިއާއިން 100،000 ޓަނުގެ އޯގަނިކް ފާޓިލައިޒަރ އެކްސްޕޯޓް ކޮށްފައިވާ ކަމަން ވެސް ފާހަގަ ކުރެއްވިއެވެ. އިންޑިއާއިން ވަނީ އަސާސީ ބޭނުންތަކަށް ލައިންސް އޮފް ކްރެޑިޓްސްގެ ގޮތުގައި 3.5 ބިލިއަން އެމެރިކާ ޑޮލަރު ސްރީލަންކާ ސަރުކާރަށް ފޯރުކޮށްދީފައެވެ.
މިސިޒް ޕަވަރ ފާހަގަ ކުރެއްވި ގޮތުގައި އިންޑިއާއަކީ މިނިވަންކަން ލިބުމާއެކު ވަރަށް އަވަހަށް ދުނިޔޭގެ ފަގީރު ގައުމުތަކަށް އެހީތެރިވެދިނުމުގެ ޤާބިލުކަން އިތުރު ކޮށް އެކަން ސާބިތުކޮށްދީފައިވާ ގައުމެކެވެ.
އެކަމަނާ ވަނީ އިންޑިއާގެ ޚާރިޖީ ވަޒީރު އެސް ޖައިޝަންކަރާއި ފޮރިން ސެކްރެޓަރީ ވިނޭ މޯހަން ކުވަޓްރާއާ ބައްދަލުކުރައްވާފައެވެ. އެކަމަނާ ވަނީ ދަނޑުވެރިކަމާއި ފޮރެސްޓްރީ ކުރިއެރުވުމަށް އެމެރިކާއިން އިންޑިއާއާއެކު އާ ޕާޓްނާޝިޕެއްގައި 25 މިލިއަން ޑޮލަރު އިންވެސްޓް ކުރާނެކަން އިއުލާން ކުރައްވާފައެވެ.
"ފާއިތުވެދިޔަ 75 އަހަރުގެ ތެރޭގައި އިންޑިއާއިން އަބަދުވެސް ދައްކުވައިދިނީ ދުނިޔޭގެ ފަގީރުންނަށް އެހީތެރިވާން ޖެހޭ ކަން. އިންޑިއާއަކީ ތަރައްޤީގެ ރޮނގުން ފާހަގަކޮށްލެވޭ ފަދަ ވަރުގަދަ ލީޑަރެއް. " މިސް ޕަވަރ ވިދާޅުވިއެވެ.
މިސިޒް ޕަވަރ ދެއްކެވި ވާހަކަފުޅުގައި، ދުނިޔޭގެ ކާބޯތަކެތީގެ ރައްކާތެރިކަމަށް ކޮށްފާނެ އަސަރުތަކާ މެދު ވާހަކަ ދައްކަވަމުން އެހާލަތަށް އެންމެ ފުރަތަމަ ވެއްޓުނީ ލަންކާގެ ސަރުކާރުކަމުޖގައި ވިދާޅުވިއެވެ. އަދި އެފަދަ 17 ގައުމެއްގައި މުޒާހަރާތަކާ ކުރިމަތިލާން ޖެހިފައިވާ ކަމުގައިވެސް ވިދާޅުވިއެވެ.
