މިޔަންމާގެ ސިފައިންގެ ސަރުކާރުން ޑިމޮކްރަސީއަށް ތާއީދުކުރާ ހަތަރު އެކްޓިވިސްޓަކު ދަންޖައްސައި މަރާލި މައްސަލާގައި ބައިނަލްއަގުވާމީ ފެންވަރުގައި ކުށްވެރިކުރުމަށް ހިންގާ ހަރަކާތުގައި ދުނިޔޭގެ އެންމެ މުއްސަނދި ޑިމޮކްރެސީތައް ހިމެނޭ "ގްރޫޕް އޮފް ސެވަން" (ޖީ7) އިން ބައިވެރިވެއްޖެއެވެ.
ކެނެޑާ، ފަރަންސޭސިވިލާތް، ޖަރުމަނުވިލާތް، އިޓަލީވިލާތް، ޖަޕާން، އިނގިރޭސިވިލާތް އަދި އެމެރިކާ ހިމެނޭ ގޮތަށް މިއަދު ނެރުނު ބަޔާނެއްގައި މިޔަންމާގެ ސިފައިންގެ ވެރިންނަށް އަންގާފައި ވަނީ މީހުން ދަންޖެއްސުމުގެ އިތުރު އަމަލުތައް ނުހިންގުމަށާއި ހުރިހާ ސިޔާސީ ހައްޔަރީން މިނިވަންކުރުމަށެވެ.
"މިއަދުގެ މި ދަންޖެއްސުންތައް މިއީ، މި ފާއިތުވީ ތިރީސް އަހަރުގެ ތެރޭގައި މިޔަންމާގައި ހިންގި ފުރަތަމަ ދަންޖެއްސުން، އަދި އިންސާފުވެރި ޝަރީއަތްތަކެއް ނުހިންގުމަކީ، މިޔަންމާގެ ރައްޔިތުންގެ މެދުކެނޑުމެއްނެތި ޑިމޮކްރެޓިކް އުއްމީދުތަކަށް ސިފައިން އިހުރިތާމް ނުކުރާ މިންވަރު ދައްކުވައިދޭ ކަމެއް،" އިނގިރޭސި ސަރުކާރުން އާންމުކުރި ޖީ7ގެ ހާރިޖީ ވަޒީރުންގެ ގުޅިފައިވާ ބަޔާނުގައި ބުނެފައި ވެއެވެ.
