ކޯޕަރޭޓިވްސް ހަދައިގެން މުޖުތަމައުތައް ބާރުވެރިކުރުމުގައި އިންޑިއާއިން ހޯދި ކާމިޔާބީ ފާހަގަ ކުރައްވައި ބޫޓާންގެ ބޮޑުވަޒީރު ޓްޝެރިންގް ޓޮބްގޭ ވަނީ އިންޑިއާގެ މަސައްކަތަށް ތައުރީފު ކުރައްވާފައެވެ.
އައިސީއޭ ގްލޯބަލް ކޯޕަރޭޓިވް ކޮންފަރެންސް 2024 ގައި ވާހަކަ ދައްކަވަމުން އޭނާ ވިދާޅުވީ، ކޯޕަރޭޓިވްތަކަކީ ހަވާސާވެފައިވާ ޖަމާއަތްތަކަށް ދެމެހެއްޓެނިވި އިގްތިސާދީ ކުރިއެރުން ހޯދުމަށް މުހިންމު ވަސީލަތެއް ކަމަށެވެ.
ބޮޑު ވަޒީރު ޓޮބްގޭ ވަނީ އިންޑިއާގެ ތަޖުރިބާއިން ދަސްކުރުމަށް ބޭނުންފުޅުވާ ކަމަށް ވިދާޅުވެ، ކޯޕަރޭޓިވްތަކަކީ ފަގީރުކަން ނައްތާލުމަށާއި މޫސުމަށް އަންނަ ބަދަލުތައް ފަދަ ދުނިޔޭގެ ފެންވަރުގެ ގޮންޖެހުންތަކާ ކުރިމަތިލުމަށް މުހިންމު ވަސީލަތްތަކެއްގެ ގޮތުގައި ސިފަކުރައްވާފައެވެ.
"ކޯޕަރޭޓިވްސް އިން ކޮމިއުނިޓީތައް ބާރުވެރިކޮށްދެނީ ހާލަތު ނިޔާކުރާ ގޮތަށް ކަންކަން ބަދަލު ކުރުމަށް އެހީތެރިވެ ދިނުމުގައި،" އޭނާ ވިދާޅުވިއެވެ. އަދި ކޯޕަރޭޓިވްސްއިން މާނަ ހުރި ބަދަލުތައް ގެނަސްދީފައިވާ ކަން ހާމަވެގެންދާ ކަން ހުށަހެޅުނު ކަރުދާސްތަކުން ހާމަވާ ކަމުގައި ވިދާޅުވިއެވެ.
ޓޮބްގޭ ވަނީ އިންޑިއާގެ މަސްއޫލުވެރިންނާ ބައްދަލުކުރައްވައި ވިޔަފާރީގެ ގުޅުންތަކާއި ހަކަތައިގެ ދާއިރާއާއި މައިންޑްފުލްނެސް ސިޓީގެ ތަސައްވުރާ ބެހޭ ގޮތުން މަޝްވަރާ ކުރައްވާފައެވެ.
މި ކޮންފަރެންސް އިފްތިތާހުކޮށްދެއްވީ އިންޑިއާގެ ބޮޑުވަޒީރު ނަރެންދުރަ މޯދީއެވެ.
މި ކޮންފަރެންސްގައި އިންޑިއާގެ ކޯޕަރޭޓިވް ހަރަކާތް ފުޅާކުރުމަށް ކުރަމުންދާ މަސައްކަތާއި 2025 ވަނަ އަހަރުގެ ބައިނަލްއަގްވާމީ ކޯޕަރޭޓިވް އަހަރުގެ ގޮތުގައި ފާހަގަ ކުރުމަށް، ހަނދާނީ ޕޯސްޓް ސްޓޭމްޕް ތައާރަފް ކުރުންވެސް އޮތެވެ.
މޯދީ ވަނީ ޖަމާއަތުގެ ފެންވަރުގައި ހިންގަމުން ގެންދާ ކޯޕަރޭޓިވްތަކަކީ، އިންޑިއާގެ ސަގާފަތުގެ ބިންގާ ކަމަށް ވިދާޅުވެފަ އެވެ.
