ޚައިބަރު ޕަޚްތުންޚުވާގެ 1480 ފުލުހުންގެ ތެރެއިން މަރުން ސަލާމަތްނުވެ ތިބީ އެންމެ 408 ފުލުހުންނެވެ. މީގެ އިތުރުން، 1970 ވަނަ އަހަރުން ފެށިގެން 2006 ވަނަ އަހަރުގެ ޑިސެމްބަރު މަހުގެ ނިޔަލަށް އެ ޕްރޮވިންސްގައި ޕާކިސްތާނުގެ 389 ސިފައިން މަރާލާފައިވާ ކަމަށް ވެސް ދަ ނިއުސް އިންޓަނޭޝަނަލް އިން ބުންޏެވެ.ފުލުހުންގެ ރަސްމީ ރެކޯޑް ތަކަށް ބަލާއިރު މަރުވި މީހުންގެ ތެރޭން 238 މީހުންގެ މަގާމަކީ ކޮންސްޓަބަލް، 28 ހެޑް ކޮންސްޓަބަލް، 58 އެސިސްޓެންޓް ސަބް އިންސްޕެކްޓަރުން އަދި 37 ސަބް އިންސްޕެކްޓަރުން އަދި ދެ އިންސްޕެކްޓަރުން ހިމެނެއެވެ.އަދި އެ މުއްދަތުގެ ތެރޭގައި ފުލުހުންގެ ދެ ޑެޕިއުޓީ ސުޕްރިންޓެންޑެންޓް އޮފް ޕޮލިސް އާއި އެސިސްޓެންޓް ސުޕްރިންޓެންޑެންޓް އޮފް ޕޮލިސްއަކާއި އެއް ޑެޕިއުޓީ އިންސްޕެކްޓާ ޖެނެރަލްއެއްގެ ފުރާނަ ވަނީ އެކި ބާވަތުގެ ހާދިސާތަކުގައި ގެއްލިފަ އެވެ.ނޫހުގައި ގޮތުން 2007 ވަނަ އަހަރުގެ ޖެނުއަރީ މަހުގެ ތެރޭގައި ހަމަނުޖެހުމުގެ ހާލަތު ވަރަށް ހުތުރު ގޮތަކަށް ބަދަލުވެގެން ދިޔަ އެވެ. ފުލުހުންނަށް އަމާޒުކޮށް ދިން ފުރަތަމަ ބޮޑު ހަމަލާއަކީ 2007 ވަނަ އަހަރުގެ ފުރަތަމަ މަހު، މިސްކިތެއްގެ ކައިރީގައި ދިން ޖާނު ގޮއްވާލުމުގެ ހަމަލައެކެވެ.
އެހަމަލާގައި އޮފިސަރުންނާއި އެތައް ފުލުހުންނާއި، އިތުރު ބަޔަކު ޝަހީދުވިއެވެ.އެ ޕްރޮވިންސްގެ އެކި ސަރަހައްދުތަކުން ފުލުހުންގެ 1480 މީހެއްގެ ފުރާނަ ވަނީ ގެއްލިފަ އެވެ.
2007 ވަނަ އަހަރުން ފެށިގެން ތަފާތު ހަމަލާތަކުގައި 32 އިންސްޕެކްޓަރުންނާއި، 109 ސަބް އިންސްޕެކްޓަރުންނާއި، 88 އޭ.އެސް.އައި އާއި، 155 ހެޑް ކޮންސްޓަބަލްންނާއި، 1072 ކޮންސްޓަބަލްއިންގެ ފުރާނަވެސް ވަނީ ގެއްލިފައެވެ.2014 ވަނަ އަހަރަށްފަހު ކޮންމެވެސް ވަރެއްގެ ހަމަޖެހުމެއް ލިބުނު ނަމަވެސް، މިދިޔަ އަހަރުގެ ފަހުކޮޅު އަނެއްކާވެސް ފުލުހުންނަށް އަމާޒުކޮށް ހަމަލަ ދޭން ފަށާފައިވާ ކަމަށް ދަ ނިއުސް އިންޓަނޭޝަނަލްއިން ރިޕޯޓް ކޮށްފައި ވެއެވެ.
