އަފްޣާނިސްތާނާއި ޕާކިސްތާނަކީ ދުނިޔޭގެ ފެންވަރުގައި މަސްތުވާތަކެތީގެ ވިޔަފާރީގައި ފާހަގަކޮށްލެވޭ ދެ ގައުމެވެ. އަފްޣާނިސްތާނުގެ އިތުރުން އަފްޣާނިސްތާނާއި އިންވެފައިވާ ޕާކިސްތާނުގެ ބޯޑަރު ސަރަހައްދުތަކާ އެކު ވެސް މަސްތުވާތަކެތީގެ ވަގު ވިޔަފާރިއާއި ޓެރަރިޒަމްގެ ސަބަބުން އިޖުތިމާއީ އަދި ގާނޫނީ މައްސަލަތަކާ ސދެ ގައުމަށްވެސް ކުރިމަތިލާން ޖެހިފައިވާ ކަމަށް ޖަކާޓާ ޕޯސްޓުން ބުންޏެވެ.ނަމަވެސް 2021 ވަނަ އަހަރުގެ އޮގަސްޓް މަހު ތާލިބާނުން އަފްޣާނިސްތާނުގައި ވެރިކަން އަތުލި ފަހުންވެސް މަަސްތުވާތަކެތީގެ ވިޔަފާރި ހިނގަމުން ދެއެވެ. ތާލިބާނުން އެ ގައުމުގައި ކުރިން ވެރިކަން ކުރި ދުވަސްވަރު ލިބުނު އާމްދަނީގެ އެންމެ ބޮޑު އަސްލަކީ ގަވައިދާ ހިލާފަށް އުފައްދަމުން ދިޔަ އަފިހޫން އިން އުފެދެމުން ދިޔަ ވިޔަފާރި އެވެ.މަސްތުވާތަކެތީގެ ބާވަތްތައް އުފެއްދުމާއި، އެތަކެތި ޤަވާޢިދާ ޚިލާފަށް ވިއްކުމާއި، ގަނެވިއްކުމުގެ ވިޔަފާރި، ކުރިއަށް އޮތް ދުވަސްތަކުގައި އިތުރުވެގެން ހިނގައިދާނެ ކަމަށް ބައިނަލްއަޤްވާމީ މުޖްތަމަޢުން ލަފާ ކުރެއެވެ. އެއީ އަފްޣާނސްތާންގެ އިޤްތިޞާދީ އެސެޓްތައް ފްރީޒްކޮށްފައި ހުރުމުގެ ސަބަބުންނާއި، އެ ޤައުމަށް މާލީ ގޮތުން ލިބެމުންދާ އެހީތެރިކަން ވަރަށް ކުޑަ ވުމުން އާމްދަނީ ހޯދުމަށް ކުރަން އޮންނާނެ މަސައްކަތެވެ.ޕޯސްޓްގައި ބުނެފައި ވަނީ ބައިނަލްއަގުވާމީ ފައިސާގެ މާބޮޑު އެހީތެރިކަމެއް ކާބުލްއަށް ނުލިބޭ މި ދަނޑިވަޅުގައި އިތުރު ދަނޑުވެރިންނަށް ޕޮޕީ ދަނޑުވެރިކަން ކުރަން މަޖުބުރުވެދާނެ ކަމަށެވެ.2019 ވަނަ އަހަރު އަފްޣާނިސްތާނުގެ ޖުމުލަ އުފެއްދުމުގެ 7 އާއި 11 އިންސައްތަ (1.2 އާއި 2.1 ބިލިއަން އެމެރިކާ ޑޮލަރު) އާ ދެމެދުގެ އަދަދަކަށް އާމްދަނީ ލިބިފައި ވަނީ އަފިހޫން އުފައްދައިގެންނެވެ.

އިތުރު ލިޔުންތައް