ސްޕެއިންއަށް ހޫނު ދުވަސްތަކެއް ކުރިމަތިވެފައިވާތީ ސަރުކާރު މުވައްޒަފުންނާއި އަމިއްލަ ފަރާތްތަކުގައި މަސައްކަތް ކުރާ މީހުން ޓައި ނައަޅައި އޮފީހަށް އައުމަށް ސްޕެއިންގެ ބޮޑު ވަޒީރު ޕެޑްރޯ ސަންޗޭޒް އެދިވަޑައގެންފިއެވެ.
ޓައި ނއަޅުއްވައި ނޫސްވެރިންގެ ކޮންފަރެންސެއްގައި ވާހަކަ ދައްކަވަމުން ވިދާޅުވީ، ހަކަތަ ސަލާމަތްކުރަށް ފިޔަވަޅެއްގެ ގޮތުން ޕަބްލިކް އަދި ޕްރައިވެޓް ސެކްޓަރގައި މަސައްކަތްކުރާ ފަރާތްތަކުން ޓައި ނައަލައި އޮފީހަށް އަންނަން ވެއްޖެ ކަމަށެވެ.
ސަންޗޭޒް ވިދާޅުވީ ޔޫކްރެއިންގައި ހިނގަމުންދާ ހަނގުރާމައަށްފަހު ޔޫރަޕްގެ ގައުމުތަކުން ރަޝިއާގެ ގޭހަށް ބަރޯސާވާ މިންވަރު ކުޑަކުރަން މަސައްކަތް ކުރަމުންދާއިރު، ހަކަތަ ސަލާމަތް ކުރުމަށް "އަވަސް" ފިޔަވަޅުތަކެއް އޭނާގެ ސަރުކާރުން އަޅާނެ ކަމަށެވެ.
އިއްޔެ މެޑްރިޑްގައި ހޫނުމިން 36 ޑިގްރީ ސެލްސިއަސް އަށް ހުއްޓެވެ. އަދި ސެވިލްގައި 39 ޑިގްރީ ސެލްސިއަސް އަށް ވަނީ އަރާފައެވެ.
ފާއިތުވީ ހަފުތާތަކުގައި ޔޫރަޕުގެ ގައުމުތައް ވަނީ ހޫނުކަން ވަރަށް ބޮޑަށް އިހުސާސްކޮށްފައެވެ.
