ޕާކިސްތާނުގެ އިގްތިސާދު ރަގަޅު ކުރުމުގެ މަސައްކަތަކީ ސިފައިންގެ ވެރިޔާގެ ވަޒީފާގެ ވާޖިބުގައި ހިމެނޭ ކަމއްް ނޫންކަމަށް ކުރީގެ ބޮޑުވަޒީރު އަދި ޕާކިސްތާން ތަހްރީކޭ އިންސާފް (ޕީޓީއައި)ގެ ޗެއާމަން އިމްރާން ޚާން ވިދާޅުވެއްޖެއެވެ.
ޚާން ވިދާޅުވީ، ޕާކިސްތާނު ނިކަމެތިވަމުން ދަނީ، އިންޓަނޭޝަނަލް މަނިޓަރީ ފަންޑުން އަވަސް ލޯނެއް ހޯއްދެވުމަށް އެގައުމުގެ ޗީފް އޮފް އާމީ ސްޓާފް ޖެނެރަލް ގަމަރު ޖާވިދު ބަޖްވާ އެމެރިކާގެ އެހީއަށް އެދިވަޑައިގެންނެވުމުންނެވެ. ޖިއޯ ޓީވީން ރިޕޯޓްކޮށްފައިވާ ގޮތުގައި ޕީޓީއައިގެ ލީޑަރު ވިދާޅުވީ އިގުތިސޯދީ ކަންކަމާ ބެހުމަކީ ސިފައިންގެެ ވެރިޔާގެ މަސައްކަތެއް ނޫން ކަމަށެވެ."އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ދޭ ލޯނު އަވަސް ކުރުމަށް ޕާކިސްތާނުގެ ޗީފް އޮފް އާމީ ސްޓާފް ޖެނެރަލް ގަމަރު ޖާވިދު ބަޖްވާ އެމެރިކާގެ އޮފިޝަލުންނަށް ގުޅުއްވައި ވާހަކަ ދެއްކެވިކަމަށް ބުނާ ޚަބަރަކީ ތެދެއް ނަމަ، އޭގެ މާނައަކީ އަޅުގަނޑުމެން [ޕާކިސްތާން] މި ދަނީ ނިކަމެތިވަމުންނޭ" އިމްރާން ޚާނާ ޙަވާލާދީ މީޑިއާގައި ބުނެފައި ވެއެވެ.
ބާޖުވާގެ މި އެދުވަޑައިގަތުމަށް ޕާކިސްތާނަށް އެހީވާން އެމެރިކާ ނުވަތަ އައިއެމްއެފްއިން ނިންމައިފިނަމަ އޭގެ ބަދަލުގައި އެމެރިކާއިން އެއްވެސް ކަމަކަށް ޕާކިސްތާނުން ޑިމާންޑް ކުރާނެތޯވެސް އޭނާ ސުވާލު ކުރެއްވި އެވެ.ނިއްކީ އޭޝިއާއިންވެސް ރިޕޯޓް ކުރިގޮތުގައި އައިއެމްއެފްއިން ދޭ ލޯނުގެ ފައިސާތައް އަވަސްކޮށް އިސްލާމްއާބާދަށް ހޯދައިދިނުމަށް އެމެރިކާގެ އެހީތެރިކަމަށް ބަޖްވާ ވަނީ އެދިވަޑައިގެންފައެވެ.ޖިއޯ ޓީވީން ރިޕޯޓްކޮށްފައިވާ ގޮތުގައި ބަޖްވާ ވަނީ ބެއިލްއައުޓް ޕްރޮސެސް އަވަސްކުރުމަށް ލޯނު ދޭ ފަރާތަށް ބާރު އެޅުމަށާއި، އަލުން ފަށާފައިވާ ލޯނު ޕްރޮގްރާމެއްގެ ދަށުން ޕާކިސްތާނަށް ލިބޭނެ ކަމަށް ލަފާކުރާ ގާތްގަނޑަކަށް 1.2 ބިލިއަން ޑޮލަރު ވަގުތުން ދޫކޮށްލުމަށް އެދި ވައިޓް ހައުސް އާއި ޓްރެޜަރީ ޑިޕާޓްމެންޓުގައި އެދިވަޑައިގެންފައެވެ.
މި މައްސަލައާ ގުޅޭ ގޮތުން ވާހަކަފުޅު ދައްކަވަމުން އިތުރަށް ކުރީގެ ބޮޑުވަޒީރު ވިދާޅުވީ، ވޮޝިންޓަންގައި ހުންނަ ލޯނުދޭ އިދާރާތަކުންވެސް ޕާކސްތާން ސަރުކާރަށް އިތުބާރު ނުކުރާ ކަމަށާއި، އަދި އެހެން ގައުމުތަކުންވެސް ޕާކިސްތާނަށް އިތުބާރު ނުކުރާ ކަމަށެވެ.
"އަޅުގަނޑަށް ހީވަނީ މިހާރު އެ ޒިންމާ އަސްކަރިއްޔާގެ ވެރިޔާ ނަންގަވާހެން" އިމްރާން ޚާން ކަމަށެވެ.ޕާކިސްތާނުގެ ޖިއޯ ޓީވީން ރިޕޯޓްކޮށްފައިވާ ގޮތުގައި، ބޭރު ފައިސާގެ ރިޒާވްް މަދުވުމުގެ ސަބަބުން ދަރަނި ދެއްކުމަށް ހުރަސްތައް މެދުވެރިވެ ޑިފޯލްޓްވުމުގެ ބިރު ޕާކިސްތާނަށް ކުރިމަތިވެފައި ވާތީ، މި ހަފްތާގެ ކުރީކޮޅު، ސިފައިންގެ ވެރިޔާ ވަނީ އެމެރިކާގެ ޑެޕިއުޓީ ސެކްރެޓަރީ އޮފް ސްޓޭޓް ވެންޑީ ޝަރމަންއަށް ފޯނުން ގުޅުއްވައި އެހީތެރިކަމަށް އެދިވަޑައިގެންފައެވެ.
އިމްރާން ޚާން ވިދާޅުވާ ގޮތގައި އިގްތިސާދީ އަނދަވަޅުން ސަލާމަތްވެވޭނީ އޭނާ އެދިވަައިގަންނަވާ ގޮތަށް އަވަސް އިންތިޚާބެއް ބޭއްވިގެންނެވެ.
"ވެރިކަމުގައި ތިބޭ މީހުން އިންތިހާބުދެކެ ބިރުގަނޭ،" ޚާން ވިދާޅުވިއެވެ.
