އޭޝިއާގެ އެންމެ މުއްސަނދި އަންހެނާގެ މުއްސަނދިކަން މި އަހަރު ގާތްގަނޑަކަށް 24 ބިލިއަން ޑޮލަރުން 11 ބިލިއަން ޑޮލަރަށް ވެއްޓިފައިވާ ކަމަށް މީޑިއާ ރިޕޯޓެއްގައި ބުނެފި އެވެ.ޗައިނާގެ އެންމެ ބޮޑު ރިއަލް އެސްޓޭޓް ޑިވެލޮޕަރ ކަންޓްރީ ގާޑަން ހޯލްޑިންގްސް ކޮންޓްރޯލް ކުރަނީ ޔަންގް ހުޔާން، 41، އެވެ.ޔަންގްއަށް ކުންފުނީގެ ގިނަ ހިއްސާތަކެއް ލިބުނީ 1990 ގެ އަހަރުތަކުގައި ގުއަންޑޮންގް ޕްރޮވިންސްގެ ފޯޝާންގައި އެ ކުންފުނި އުފެއްދި އޭނާގެ ބައްޕަ ޔަންގް ގުއޮކިއާންގްގެ އަތުންނެވެ.ޗައިނާގެ ރިއަލް އެސްޓޭޓް ސެކްޓާގައި ގެދޮރުގެ އަގުތައް ވެއްޓި، ޕްރޮޕަޓީ ގަންނަ ފަރާތްތަކުގެ ޑިމާންޑް ދަށްވެފައިވާ ކަމށް ބްލޫމްބަރގްއިން ބުނެއެވެ. އަދި ބޮޑެތި ޑިވެލޮޕަރުންނަށް ދަރަނި ނުދެއްކުމުގެ ސަބަބުން މިދިޔަ އަހަރުން ފެށިގެން ރިއަލް އެސްޓޭޓް ސެކްޓަރ ވަނީ ހީނަރުވާން ފަށާފައެވެ.
ގާޑަން ކުންފުނީގެ ހިއްސާގެ އަގު މި އަހަރު ވަނީ ދެބައިކުޅަ އެއްބަޔަށް ވުރެ ބޮޑަށް ދަށަށް ގޮސްފަ އެވެ.ސީއެންއެން އިން ރިޕޯޓުކޮށްފައިވާ ގޮތުގައި ޔަންގް އަކީ އޭނާގެ ހިއްސާގެ އަގުގެ ބޮޑު ބައެއް ގެއްލުނު ނަމަވެސް އޭޝިއާގެ އެންމެ މުއްސަނދި އަންހެނާއެވެ.އޭނާގެ ނެޓް ވޯތު ދަށްވުމުގެ ސަބަބުން ޗައިނާގައި އޭނާއާއި އޭނާގެ އެކުވެރި އަންހެން ބިލިއަނަރުންގެ މެދުގައި އޮތް މުއްސަނދިކަމުގެ ފަރަގު ކުޑަވެފައިވެއެވެ.
