އިންޑިއާ ކަނޑުގެ ސަރަހައްދުގައި ޗައިނާގެ ޖާސޫސީ އުޅަނދު "ޔުއާން ވަންގް 5" މި ސަރަހައްދަށް ވަނުމުން، އެ އުޅަނދުގެ އަސްކަރީ އަދި ސްޓްރެޓީޖިކް އަސަރުތައް އެތައް ގުނައަކަށް އިތުރުވެ، އިންޑިއާގެ ސަލާމަތީ އާކިޓެކްޗަރއަށް ބޮޑެތި އަސަރުތަކެއް ކުރާނެ ކަމަށް އިންޑިއާގެ ޖާސޫސީ އިދާރާއިން ބުނެފިއެވެ.
މި ބޯޓަކީ މިސައިލް އަދި ސެޓެލައިޓް ޓްރެކިންގައި ވަރަށް ތަފާތު ދައުރެއް އަދާކުރާ ބޯޓެއް ކަމަށާއި އިންޑިއާގެ އަވަށްޓެރި ގައުމެއްގައި މި ބޯޓު އޮތުމުގެ ސަބަބުން ސީރިއަސް އަސަރުތަކެއް އިންޑިއާގެ ސަލާމަތަށް ކުރާ ކަމަށް އިންޑިއާގެ މީޑިއާއިން ރިޕޯޓް ކޮށްފައި ވެއެވެ. މިއީ 2014 ވަނަ އަހަރު ކޮލަމްބޯ ބަނދަރަށް ބަނދަރުކުރި ޗައިނާގެ ސަބްމެރިންތަކާ އަޅާބަލާއިރު، މި އުޅަނދުގެ ގާބިލްކަން ހުރި ގޮތުން ނުރައްކާ ބޮޑު އުޅަނދެކެވެ.
މި ސަރަހައްދަށް ވަނުމާއެކު މި ބޯޓު އޮންނާނީ އިންޑިއާއާއި އެންމެ 700 ކިލޯމީޓަރު ދުރުގައެވެ.
