އެމެރިކާގެ ކޮމާސް ޑިޕާޓްމަންޓުން މިއަދު އޮންލައިންކޮށް ޝާއިއުކުރި ނޯޓިހެއްގައި ބުނެފައި ވަނީ ގައުމީ ސަލާމަތާއި ޚާރިޖީ ސިޔާސަތުގައި ހުރި ކަންބޮޑުވުންތަކާ ގުޅިގެން އެމެރިކާގެ އެކްސްޕޯޓް ކޮންޓްރޯލް ލިސްޓަށް ޗައިނާއާ ގުޅުން ހުރި ހަތް ފަރާތެއް އިތުރުކޮށްފައިވާ ކަމަށެވެ.
ފެޑެރަލް ރެޖިސްޓްރަރ ޝާއިއުކުރި އިއުލާނެއްގައިވާ ގޮތުން ޗައިނާ އޭރޯސްޕޭސް ސައިންސް އެންޑް ޓެކްނޮލޮޖީ ކޯޕަރޭޝަން 9 ވަނަ އެކަޑަމީ 771 ރިސާޗް އިންސްޓިޓިއުޓާއި ޗައިނާ އޭރޯސްޕޭސް ސައިންސް އެންޑް ޓެކްނޮލޮޖީ ކޯޕަރޭޝަން 9 ވަނަ އެކަޑަމީ 772 ރިސާޗް އިންސްޓިޓިއުޓާއި، ޗައިނާ އެކަޑަމީ އޮފް ސްޕޭސް ޓެކްނޮލޮޖީ 502 ރިސާޗް އިންސްޓިޓިއުޓާއި، ޗައިނާ އެކަޑަމީ އޮފް ސްޕޭސް ޓެކްނޮލޮޖީ 513 ރިސާޗް އިންސްޓިޓިއުޓާއި، ޗައިނާ އިލެކްޓްރޯނިކްސް ޓެކްނޮލޮޖީ ގްރޫޕް ކޯޕަރޭޝަން 43 ރިސާޗް އިންސްޓިޓިއުޓާއި، ޗައިނާ އިލެކްޓްރޯނިކްސް ޓެކްނޮލޮޖީ ގްރޫޕް ކޯޕަރޭޝަން 58 ރިސާޗް އިންސްޓިޓިއުޓާއި، އަދި ޒުހާއި އޯބިޓާ ކޮންޓްރޯލް ސިސްޓަމްސް މި ލިސްޓަށް އިތުރުކޮށްފައިވާކަމަށެވެ. މި ލިސްޓްގައި ހިމެނޭ ކުންފުނިތަކަށް އެމެރިކާގައި އުފައްދާފައިވާ މުދަލެއް ނުވަތަ އެއިން ބައެއް ވިއަސް ވިއްކުމާއި ހިދުމަތެއް ފޯރުކޮށްދިނުމަށް ސަރުކާރުން ކުރިން ހުއްދަ ނަގަންވާނެއެވެ.
ކޮމާސް ޑިޕާޓްމަންޓުން ބުނީ އެ އިދާރާތައް އިތުރުކުރީ "ޗައިނާގެ ސިފައިންގެ މުއައްސަސާ ޒަމާނީ ކުރުމަށް ކުރާ މަސައްކަތަށް ވާގިވެރިވުމަށް އެމެރިކާއިން އުފައްދާ ތަކެތި ހޯދުމަށް މަސައްކަތް ކުރާތީ" ކަމަށެވެ.
