އިންޑިއާއިން އިތުރު ނިއުކްލިއަރ އިން ކަރަންޓު އުފައްދާ އިންޖީނު ގެތައް އެޅުމަށް ނިންމައިފިއެވެ. އިންޑިއާއިން މަސައްކަތް ކުރަނީ ކޯލާ ދެލިން ކަރަންޓު އުފެއްދުން މަދުކޮށް ދުނިޔޭގެ ޖައްވަށް ވިހަ ގޭސް ބޭރުކުރުން ހުއްޓުމަށެވެ.
އިންޑިއާގެ އެންޓީޕީސީ ލިމިޓެޑުން މަސައްކަތް ކުރަނީ 700 މެގަވޮޓްގެ ދެ ރިއެކްޓަރު ތަރައްގީ ކުރާށެވެ. މިކ ދެ ރިއެކްޓަރަކީ އިންޑިއާގެ މަދްޔަޕްރަދޭޝްގައި ބިނާ ކުރުމަށް މަސައްކަތް ކުރާ ދެ އިންޖީނުގެއެވެ.
އޭގެ އިތުރުން ސްޓޭޓް ހަރިޔާނާ ސްޓޭޓްގައިވެސް ދެ ރިއެކްޓަރު ބިނާ ކުރުމަށް މަސައްކަތް ކުރަން އުޅޭ ކަމަށް ބައެއް ފަރާތްތަކުން މީޑިއާއަށް މައުލޫމާތު ދީފައެވެ.
އިންޑިއާއިން ވަނީ ކުރިން ސަރުކާރު މޮނޮޕޮލީ ގެންގުޅުމަށްފަހު ބޭރުގެ ކުރިންފުނިތަކަށްވެސް ނިއުކްލިއަރ ހަކަތަ ދާއިރާގައި އިންވެސްޓް ކުރުމަށް މިހާރު ހުޅުވާލާފައެވެ.
އިންޑިއާއިން އަމާޒު ހިފާފައި ވަނީ 2070 ވަނަ އަހަރުގެ ނިޔަލަށް ކާބަން ދޫކުރާ މިންވަރު އެއްކޮށް ހުއްޓާލުމަށެވެ.
