އަފްޣާނިސްތާނުގައި ތައުލީމު ހާސިލު ކުރުމުގެ ފުރުސތެއް ނެތުމުން އަންހެން ކުދިން ގައުމުން ބޭރަށް ކިޔަވަން ދާން އުޅުމުން ތާލިބާނުން އެކަމަށްވެސް ހުރަސްއަޅައިފިއެވެ. ފިރިހެން ކުދިންނާއެކު ކަޒަޚިސްތާނާއި ޤަތަރާއި ކިތަން ދިއުމަށް ފުރަން އުޅުނު އަންހެން ކުދިންނަށް ތާލިބާނުން ވަނީ ހުރަސް އަޅާފައެވެ. ގައުމުން ބޭރުވާން ހުއްދަ ދީފައި ވަނީ އެކަނި ފިރހެން ކުދިންނަށެވެ.
އަފްޣާނިސްތާނުގެ ސަރުކާރު ތާލިބާނުން އަތުލައިގަތީ 2021 ވަނަ އަހަރުގެ ސެޕްޓެމްބަރު މަހު އެވެ.
ތާލިބާނުން ވަނީ އަފްޣާނިސްތާނުގެ އަންހެނުން ގެއިން ބޭރުގައި މަސައްކަތް ކުރުން މަނާކޮށްފައެވެ، އަދި ގެއިން ނިކުތުމާއި ދުރު ދަތުރު ކުރުންވެސް މަނާ ކޮށްފައެވެ. ސްކޫލްތަކުގައި ދެ ޖިންސު އިށީދެ ބައިތިއްބަނީ ފަރުދާއެއް ދަމާފައި ދެ ބައި މީހުން ދެފަރާތުގައެވެ.
ގްރޭޑް 6ން ފެށިގެން މައްޗަށް އަންހެން ކުދިންނަށް އުނގެނުމަކީ މަނާ ކަމެކެވެ.
މީގެ އިތުރުން ތާލިބާނުން ވަނީ އާންމު ތަންތަނުގައި އަންހެނުން ބުރުގާ އެޅުމަށް މަޖުބޫރުކޮށް، ފިރިހެނުންނާ އެއްވަގުތެއްގައި މުނިފޫހިފިލުވުމުގެ ހަރަކާތްތަކުގައި ބައިވެރިވުމާއި ޕާކްތަކަށް ޒިޔާރަތް ކުރުން މަނާ ކޮށްފައެވެ.
ތާލިބާނުގެ ވެރިކަމުގައި އަސާސީ ހައްގުތައް ހަނިކޮށްފައި ވެއެވެ.
