ޕާކިސްތާން ތަހްރީކޭ އިންސާފް ޕާޓީގެ އިތުރު ސިއްރު ތިން އެކައުންޓެއް ފެޑެރަލް އިންވެސްޓިގޭޝަން އެޖެންސީ (އެފްއައިއޭ) އިން ހޯދައިފި އެވެ.
އެފްއައިއޭގެ ކަމާބެހޭ ފަރާތްތަކުން ބުނި ގޮތުގައި މި އެކައުންޓްތަކަކީ ވޫޓަން ކްރިކެޓް ކްލަބުން އެ ޕާޓިއަށް ފައިސާ ޓްރާންސްފާ ކުރުމަށް ބޭނުންކުރި ވަގު އެކައުންޓްތަކެކެވެ. މި އެކައުންޓްތައް މެދުވެރިކޮށް ޕާކިސްތާނުން ބޭރުން ގިނަ އަދަދެއްގެ ފައިސާ ލިބިފައިވާ ކަމަށް މީޑިއާ ރިޕޯޓެއްގައިވެއެވެ.
އެފްއައިއޭގެ މަސްދަރުތަކާ ހަވާލާދީ ރިޕޯޓުގައި ބުނެފައި ވަނީ އިމްރާން ޚާން ޕާޓީން ފައިސާ ބޭނުން ކުރާ އިންސާފް ޓްރަސްޓް އުފެއްދީ އިމްރާން ޚާންގެ ގާތް އެކުވެރިއެއްކަމަށްވާ ޕީޓީއައިގެ ބޮޑު ފައިނޭންޝަރެއް ކަމަށްވާ ތާރިގް ޝާފީއެވެ. މިހާރު ތަހުގީގު ކުރާ އިދާރާއިން ވަނީ ތާރިގު ޝާފީގެ އެކައުންޓްތައް ފްރީޒްކޮށް ސުވާލު ކުރުމަށް ހާޒިރުކޮށްފަ އެވެ.
