ޗައިނާގެ އަމިއްލަ ފަރާތްތަކުން ހިންގާ ބޭންކުތަކުގެ ހިއްސާ މިއަހަރު ވަރަށް ބޮޑަށް ދަށަށް ގޮސްފައިވާކަމަށް ވޯލްސްޓްރީޓް ޖަރނަލްއިން ބުނެއެވެ. އަދި މިކަން އާންމު ކޮށް ބެންކުތަކުގައި ފައިސާ ބަހައްޓާފައިވާ މީހުންގެ ފަރާތުން ފެންނަމުންދާ ކަމަށެވެ.
މިއަހަރު ފެށުނު ފަހުން އެވްރެޖްކޮށް ޗައިނާގައި ޙިއްސާ 4.9 ޕަސެންޓަށް ދަށަށް ގޮސްފައިވާއިރު، ޝަންހާއީ ނުވަތަ ޝެންޒެންގައި ލިސްޓްކޮށްފައިވާ އެންމެ ބޮޑު ސްޓޮކްތައްވެސް 17 ޕަސެންޓަށް ދަށަށް ގޮސްފައި ވެއެވެ. މި ހުރިހައި ކަމެއްވެސް ގުޅިފައި ވަނީ ޗައިނާގެ ޕްރޮޕަޓީ ސެކްޓަރާއެވެ.
ޗައިނާގެ ޕްރޮޕަޓީ ސެކްޓާ ބަނގުރޫޓުވުމާ ގުޅިގެން އޭގެ ނޭދެވޭ އަސަރު ހުރިހައި ފަރާތަކަށްވެސް ފޯރާފައި ވެއެވެ.
ޗައިނާ ބެންކުތަކުން ދީފައިވާ ޖުމުލަ ލޯނުތަކުގެ ތެރޭގައި ރިއަލް އެސްޓޭޓް ކުންފުނިތަކުގެ ހިއްސާއަކީ އެންމެ 4 ޕަސެންޓާއި 5 ޕަސެންޓާ ދެމެދުގެ އަދަދެކެވެ.
އެންމެ ގިނައިން ޕްރޮޕަޓީ ސެކްޓާއަށް ލޯނު ދީފައި ވަނީ ޗައިނާ މާޗެންޓްސް ބޭންކާއި ޕިންގް އާން ބޭންކުންނެވެ. އެ ދެކުންފުނިން ވަނީ 7 ޕަސެންޓާ 9 ޕަސެންޓްގެ ދެމެދުގެ އަދަދަކަށް ލޯނުތައް ދީފައެވެ.
