ރޫސީވިލާތުގެ އެންމެ ފަހުގެ ލީޑަރު އަދި ދުނިޔެއަށް އިންގިލާބީ ބަދަލުތަކެއް ގެންނެވި ލީޑަރު މީޚާއީލް ގޮރްބަޗޯވް މިއަދު މޮސްކޯގައި އުމުރުން 91 އަހަރުގައި އަވަހާރަވެއްޖެއެވެ.
މީޚާއިލް ގޮރްބަޗޯވް އަވަހާރަވީ ކިޑްނީގެ އާލާސްކަންފުޅެއްގައެވެ. އޭނަ ދިރިއުޅުއްވަމުން ގެންދެވީ މޮސްކޯގެ ބޭރު ހިސާބެއްގެ ކުޑަ ގެއެއްގައެވެ. އަވަހާރަވިއިރު އޭނާގެ މުއްސަނދިކަމުގައި ފަސް މިލިއަން ޑޮލަރު ކުރިކަމަށް ރިޕޯޓް ކޮށްފައި ވެއެވެ.
ރޫސީވިލާތުގެ އެންމެ ފަހު ރައީސް، ގޮރްބަޗޯވްއަކީ ރޫސީ އިއްތިހާދުގައި ހިމެނުނު މެދުތެރޭ އޭޝިއާއާއި ބޯލްޓިކް އަދި ބޯލްކަން ޖުމްހޫރިއްޔާތައް މިނިވަން ކޮށްދެއްވި ރައީސެވެ. އަދި ބަރލިންގެ ފާރު ވައްޓާލެވުނީވެސް އޭނާގެ ހިތްވަރުންނެވެ.
އެމެރިކާގެ އެއިރުގެ ރައީސް ރޮނަލްޑް ރޭގަންއާއި އޭނާގެ ނާއިބް ރައީސް ޖޯޖް ބުޝައާއި ޔޫކޭ ޕްރައިމިނިސްޓަރ މާގްރެޓް ޓެޗަރއާއެކު ގާތް ގުޅުމެއް ބޭއްވެވިވެއެވެ.
ޕޫޓިން ވިދާޅުވަނީ ރަޝިޔާއަށްވެސް އަދި މިފަހުން ދުނިޔެއަށްވެސް އެވަރުގެ ޝަޚުސިއްޔަތެއް ނުލިބޭ ކަމަށެވެ.
