އެމެރިކާގެ ކުރީގެ ރައީސް ޓްރަމްޕް ވަގަށް ނަގައިގެން ގޭގައި ގެންގުޅުނު އެމެރިކާ ސަރުކާރުގެ ސިއްރު ޑޮކިއުމެންޓްތައް އޭނާ ގެންގުޅެފައި ހުރި ގޮތް އެމެރިކާގެ ޑިޕާޓްމަންޓް އޮފް ޖަސްޓިސް އިން ޝާއިއުކުރި ފޮޓޯއެއްގައި ދައްކާލައިފިއެވެ. ޖަސްޓިސް ޑިޕާޓްމަންޓުން ބުނަނީ ޓަރްމްޕް ލިޔުންތައް ގެންގުޅުނު ގޮތުން ދޭހަވަނީ އޭނާ އެ ލިޔެކިޔުންތައް ފޮރުވާން މަސައްކަތް ކޮށްފައިވާ ކަމަށެވެ.
ޖަސްޓިސް ޑިޕާޓްމަންޓުން ބުނީ މާލަގޯގައި ބިންމަތީގައި ލިޔެކިޔުންތައް ބހައްޓާފައި ހުރި ފޮޓޯތައް ފްލޮރިޑާގެ ފެޑެރަލް ކޯޓަށް ހުށަހަޅާފައިވާ ކަމަށެވެ. އަދި އެއީ ކުރީގެ ރައީސް ޓްރަމްޕް ގޯސްކޮށް ކަންތައް ކުރެއްވި ކަމުގެ ހެއްކެއްގެ ގޮތުގައި ސާބިތުކޮށް ދިނުމަށްކަމަށްވެސް ބުނެފައި ވެއެވެ. އަދި އެއިން ދައްކައިދޭން އިތުރަށް ބޭނުންވަނީ ސިއްރު ލިޔެކިޔުންތައް ރައްކާތެރި ނޫން ތަނެއްގައި އޭނާ ބެހެއްޓިކަންވެސް ސާބިތު ކޮށްދޭށެވެ.
ޓްރަމްޕްގެ ގެއިން ފެނުނު ސިއްރު ލިޔެކިޔުންތަކުގައި 2015 ވަނަ އަހަރު އީރާނާއެކު ވެފައިވާ ނިއުކްލިއާ އެއްބަސްވުމުން އެމެރިކާ ވަކިވެފައިވާކަން ޓްރަމްޕް އިއުލާން ކުރެއްވި ދުވަސް ކަމަށްވާ 9 މެއި 2018 ގައި ލިޔެފައިވާ ލިޔުމެއް ވެސް އޭގެ ތެރޭގައި ހިމެނެއެވެ. ޓްރަމްޕަކީ ހަމަ މީހެއްތޯ ކުރިންވެސް މީހުން ސުއާލުކޮށް ހެއްޖެވެ!
