އެމެރިކާގައި ކުލައިގެ ނަސްލުގެ މީހުންނާ ދެކޮޅަށް ތަފާތު ކުރުމަކީ ނިޒާމީ ގޮތުން މުޖުތަމައުގައި އަށަގެންފައިވާ ކަމެކެވެ. އެމެރިކާގައި މަތީ ތައުލީމު އުނގެނުމުންވެސް ކުލައިގެ މީހެއްގެ ދިރިއުޅުމުގެ ފެންވަރު ރަގަޅު ވުމެއް، އާމްދަނީ އުތުރު ވުމެއް ނޯވެއެވެ.
ޑިގްރީއެއް ނަގާފައި ހުންނަ ހުދު މީހަކާއި ކުލައިގެ މީހަކާ ދެމެދު އޮންނަ ތަފާތު އެނގޭ ގޮތަކީ، އެފެންވަރުގެ ހުދު މީހާއަށް އަހަރަކު އާމްދަނީއަށް 455ހާސް ޑޮލަރު ލިބޭއިރު ކުލައިގެ މީހާއަށް ލިބެނީ 141ހާސް ޑޮލަރެވެ.
ސެންޓާ ފޯ އިކޮނޮމިކް ޑިވެލިޕްމެންޓާ ހަވާދީ އެސްސިއޮސް އިން ތައްޔާރު ކުރި ރިޕޯޓެއްގައި ބުނާ ގޮތުން ކުރިން ހީކުރެވުނު ގޮތާ ޚިލާފަށް ކުލައިގެ މީހުންނަކީ މަތީ ތައުލީމު ހާސިލުކުރުމުގައި ހުދު މީހުންނަށް ވުރެން މާބޮޑަށް ޝައުގުވެރިކަން އިތުރު ބައެކެވެ. ނަމަވެސް މަތީ ތައުލީމަށް ލޯނު ނަގަން ޖެހުމާއި އެލޯނު ދެއްކުމުގަައި ދަތިތައް ދިމާވެގެން ކިޔެވުން ދޫކޮށްލުމަކީ އެމީހުންނަށް އާދަވެގެން ދިމާވާ ހުރަހެއް ކަމަށެވެ.
އާމްދަނީ މަތިން ލިބޭ ހުދު މީހުން އެމީޙުންގެ ދަރިންގެ މަތީ ތައުލީމަށް ހޭދަ ކުރާ ވަރަށް ވުރެން މާ ގިނައިން ކުލައިގެ މީހުން އެމީހުންގެ ދަރިންގެ ތައުލީމަށް ހޭދަ ކުރާ ކަންވެސް މި ދިރާސާއިން ހާމަވެފައި ވެއެވެ.
