ނުކުޅެދުންތެރިކަން ހުންނަ މީހުންގެ ހައްގުތަކާ ބެހޭ އދ. މުއާހަދާގެ 19 ގައި ބުނަނީ ނުކުޅެދުންތެރި ކަން ހުންނަ މީހުންނަށް ހަމަހަމަ ހައްގުތައް ދޭންވާނެ ކަމަށެވެ. މާނައަކީ އެމީހުންނަށް އެކަހެރި ކުރުމަކާއި ނުލައި ޖަމާއަތުގައި ހަމަހަމަ ހައްގުތައް ލިބިގެން އުޅުމުގެ ހައްގު ފަހިކޮށްދޭންވާނެ ކަމަށެވެ.
ނުކުޅެދުންތެރިކަން ހުންނަ މީހުންގެ ހައްގުތަކާ ބެހޭ މޮނިޓަރިން ކޮމިޓީން 2017 ވަނަ އަހަރު އާންމު ކުރި 5 ވަނަ ކޮމެންޓުގައި ބުނެފައި ވަނީ ޔޫރަޕްގައި ނުކުޅެދުންތެރޮކަން ހުންނަ މީހުން ގެން ގުޅެނީ ބަންދުކޮށްގެން ކަމަށެވެ.
ޔޫރަޕް ޖަމާއަތުގެ 27 މެމްބަރު ގައުމަކީ މި މުއާހަދާގެ ބައިވެރިންނެވެ. އެ ގައުމުތައް ބައިވެރިވީ 2008ގައެވެ.
ޔޫރަޕްގައި 1.3 މިލިއަން ނުކުޅެދުންތެރިކަން ހުންނަ ކުދަކުދިންނާއި ބޮޑެތި މީހުން އުޅޭ އިރު އެމީހުން ގެންގުޅެނީ އެކަހެރިކަމެއްގައި ޖަމާއަތާ ވަކިންނެވެ.
އދގެ މުއާހަދާއަށް އަމަލު ކުރުމުގެ ގޮތުން ޔޫރަޕުން ވަނީ މުއައްސަސާތައް ހަދައިގެން ނުކުޅުދުންތެރިކަން ހުންނަ މީހުން ކުރިން ގެންގުޅެފައި އެމީހުން ފަހުން ކުދި ފެސިލިޓީތައް ހަދައި އެތަންތަނަށް ލައިފައެވެ. ނަމަވެސް ހަގީގަތުގައި މުއާހަދާގެ މަގްސަދު ހާސިލު ނުކުރެވި އަދިވެސް އެމީހުން ގެންގުޅެނީ އެކަހެރި ކަމެއްގައެވެ.
އެގޮތަށް ޔޫރަޕްގެ ގައުމުތަކުން އަމަލު ކޮށްފައި ވަނީ ފެބްރުއަރީ މަހު ޝާއިއުކުރި ނުކުޅެދުންތެރިކަން ހުންނަ މީހުންނާ ބެހޭ ރިޕޯޓް ތަންފީޒުކުރުމާ ބެހޭ ގޮތުން ކަމަށް ޔޫރަޕިއަން ނެޓްވޯކް ފޯ އިންޑިޕެންޑެންޓް ލިވިން (އެންއައިއެލް) އިން ބުނެ ފާޑުކިޔާފައިވެއެވެ.
