އަހަރަކަށް ވުރެ ގިނަ ދުވަސްވަންދެން އެމެޒޯން އާއި ގޫގުލްގެ މަސައްކަތްތެރިން ދަނީ އިސްރާއީލުގެ ސިފައިންނާއި ނަސްލީ އިމްތިޒާޒު ގެންގުޅޭ ޔަހޫދީ ސަރުކާރާ އެކު އެ ކުންފުނިތަކުން ހަދާފައިވާ އެއް ބިލިއަން ޑޮލަރުގެ ކޮންޓްރެކްޓް ނިމުމަކަށް ގެނައުމަށް ވަކާލާތު ކުރަމުންނެވެ. އެމެޒޯން އާއި ގޫގުލްގެ ކޮންޓްރެކްޓުން އިސްރާއީލު ސަރުކާރަށް ވެ ދެވޭ އެހީއަކީ ފަލަސްތީނުގެ ރައްޔިތުންނަށް ފާރަލައި، ގަވާއިދާ ހިލާފަށް ޔަހޫދީންގެ އާބާދީތައް ފަލަސްތީންގެ ބިންތަކުގައި ފުޅާކޮށް، އިޒްރޭލުން ހިސާރުކޮށްފައިވާ ފަލަސްތީނުގެ މީހުންނަށް އިތުރަށް އަނިޔާވެރިވުން ކަމަށް ޓެކް ދާއިރާހގަައި މަސައްކަތް ކުރާ މީހުން ބުނެއެވެ.
މި ކަމުގައި އުޅޭ މީހުންގެ މެސެޖު ވަރަށް ސާފެވެ. ޓެކް ދާއިރާގެ މަސައްކަތްތެރިން ފަލަސްތީނު މީހުންނަށް މި ދެކުންފުނިން ޓެކްނޮލޮޖީ ބޭނުންކޮށްގެން އިޒްރޭލުން އަނިޔާ ކުރާކަށް ބޭނުމެއް ނޫނެވެ.
ނިއުޔޯކް ޓައިމްސް އިން ހާމަކުރި ފަދައިން، މި މަސައްކަތްތެރިން ފަލަސްތީންގެ ދިފާއުގައި ވާހަކަ ދައްކާއިރު، އެމީހުންނަށް ކުރިމަތިވަނީ އިންޒާރުތަކާއި ބަދަލު ހިފުމާއި ބިރުދެއްކުމުގެ އިންޒާރުތަކެވެ. އެކަމަކު އެމީހުން ހުއްޓާނުލާ ކުރިއަށް ދާން ތިބި ކަމަށް ބުނެ ޕެޓިޝަނެއްގައި ސޮއިކޮށް އިހުތިޖާޖަށް ނިކުންނާން ނިންމާފައި ވެއެވެ.
އެމެޒޯން އާއި ގޫގުލް ގައިއާއި އެހެން ކުންފުނިތަކުގައި އުޅޭ ޓެކްނޮލޮޖީ ދާއިރާގެ މަސައްކަތް ތެރިން ސެޕްޓެމްބަރު މަހުގެ 8 ވަނަ ދުވަހު ނިއުޔޯކް ސިޓީގެ ބޭ އޭރިއާ، އަދި ސިއޭޓްލްގައި ހުންނަ އެމީހުންގެ އޮފީސްތަކުގެ ކުރިމަތީގައި ބެނާތައް ހިފައިގެން ތިބެ އެ ކުންފުނިތަކަށް ކުރާ ޕްރެޝަރު ކުރާން އިހުތިޖާޖު ކުރާނެއެވެ.
