އިންޑިއާގެ އިގްތިސާދުން އިނގިރޭސިވިލާތް ފަހަތަށް ޖައްސައި ކުރިއަރައިގެން ހިނގައްޖެއެވެ. މިހާރު އިންޑިއާއަކީ ފަސްވަނައަށް ދުނިޔޭގެ އެންމެ ބޮޑު އިގްތިސާދެވެ. އަދި އިނގިރޭސިވިލާތް ވަނީ ހަ ވަނައަށް ވެއްޓިފައެވެ.
މި ހިސާބުތައް ހަދާފައިވަނީ ޑޮލަރުގެ ނިސްބަތަށް ބަލައިގެންނެވެ. އަދި މިކަން ހާމަ ކޮށްފައިވާ އިންޓަރނޭޝަނަލް މަނިޓަރީ ފަންޑްގެ ހިސާބުތަކުންނެވެ.
އިނގިރޭސިން ކުރިން އިސްތިއުމާރު ކުރި ގައުމު އިންޑިއާ 2021 ވަނަ އަހަރުގެ ފަހު ތިން މަސް ދުވަހުގެ ތެރޭގައި ވަނީ ޖަމްޕެއް ޖަހާފައެވެ. ޖީޑީޕީގެ ތަފާސް ހިސާބުތަކަށް ބިނާކޮށް އިންޓަނޭޝަނަލް މަނިޓަރީ ފަންޑުން ބުނަނީ އިންޑިއާއިން ވަނީ ނިމެން މިދާ މާލީ އަހަރުގެ ފުރަތަމަ ކުއާޓަރުގައި ލީޑް ފުޅާކޮށްފައެވެ.
މި ކަމަކީ އޭގެ އަސަރު ލަންޑަނަށް އިޙުސާވެގެންދާނެ ކަމެކެވވެ. ހޯމަ ދުވަހު ޔޫކޭ ބޮޑު ވަޒީރު ބޮރިސް ޖޯންސަންއަށް ފަހު އެމަގާމް ފުރުއްވާނެ ފަރާތެއް ހޯދުމަށް ވޯޓަށް އަހާނެއެވެ. ފެންނަ ނުފެންނައިގެ ދެވަނަ ބުރުގައި ޔޫކޭ ފޮރިން ސެކްރެޓަރީ ލިޒް ޓްރަސް ކުރީގެ މާލީ ވަޒީރު ރިޝީ ސުނާކް ބަލިކުރައްވާނެ ކަމަށް ބެލެވެއެވެ.
ޔޫކޭއަށް ވަނީ 40 އަހަރުގެ ތެރޭގައި ބޮޑުކޮށް އިންފްލޭޝަނަކާ ކުރިމަތިލާން ޖެހިފައެވެ. ބޭންކް އޮފް އިންގްލެންޑުން ބުނާ ގޮތުގައި 2024 ވަނަ އަހަރާ ހަމައަށް ވެސް އެކަން ދިގުދެމިގެންދާނެ އެވެ. އަދި އިގްތިސާދު ވަޅު ޖެހުމުގެ ނުރައްކާ ބޮޑުވެދާނެ ކަމަށް ބެލެވޭ ކަމަށްވެސް ބުނެފައެވެ.
އެއާ ޚިލާފަށް އިންޑިއާގެ އިޤްތިޞާދު މިއަހަރު 7 ޕަސެންޓަށްވުރެ މައްޗަށް ކުރިއަރާނެކަމަށް ލަފާކުރެވެއެވެ.
